Fýtbol: «Ertis» Shymkentte «Qyrandy» iri eseppen jeńdi

ASTANA. QazAqparat - Shymkent qalasynda jergilikti «Qyran» men Pavlodardyń «Ertis» komandalary arasyndaǵy kezdesý aıaqtaldy. Bul - fýtboldan Premer-lıgada onynshy oryn alǵan jáne birinshi topta úshinshi oryn alǵan komandalar arasyndaǵy pleı-off kezeńiniń alǵashqy oıyny, dep habarlaıdy QazAqparat tilshisi.

«Ertis» klýby bıyl sátsiz oıyn kórsetti. El birinshiliginde bes márte chempıondyq ataqqa qol jetkizgen pavlodarlyq ujymǵa sońǵy týrǵa deıin birinshi topqa túsip qalý qaýpi týyndap turdy. Sońǵy týrda «Ertis» elordada «Astanadan» 0:4 esebimen oısyraı jeńildi. Soǵan qaramastan onynshy oryndy saqtap qaldy.

Burynǵy jyldarda komanda mundaı tómengi nátıje kórsetken emes. Aıta ketelgili, «Ertis» el birinshiliginde birde-bir márte birinshi topqa túsip kórgen joq. Bıyl da solaı bolatyn sekildi.

Syrt alańda oınaǵanyna qaramastan «Ertis»  senimdi oıyn kórsete bildi. Alǵashqy kezeńniń ózinde alań ıeleri qaqpasyna jaýapsyz eki gol soǵyp úlgerdi. Aldymen 8-mınýtta Antonıo Rodrıgo esep ashsa, 41-mınýtta Kırıll Shestakov esepti ústemeleı tústi.

Al ekinshi kezeńniń 48-mınýtynda «Qyran» oıynshysy Ádil Pazylhan óz qaqpasyna gol soǵyp alýǵa májbúr boldy.

Qarymta oıyn 20 qarashada Pavlodar qalasynda ótedi. Eki oıyn nátıjesi boıynsha jeńimpaz bolǵan komanda keler jyly Premer-lıgada synǵa túsýge múmkindik alady.

Esterińizge sala ketelik, bıyl birinshi lıgadan Premer-lıgaǵa Kókshetaýdyń «Oqjetpesi» men Tarazdyń «Taraz» koandalary joldama aldy.