Fýtbol: «Ertis» esin jınap, «Qaısar» taǵy da jeńildi
ASTANA. QazAqparat - Búgin elimizdiń alty qalasynda fýtboldan Premer-lıga komandalary arasyndaǵy el birinshiliginiń ekinshi týr oıyndary bolady, dep habarlaıdy QazAqparat tilshisi.
Alǵashqy oıyn Astana qalasynda ótti. Munda «Atyraý» men Pavlodardyń «Ertis» komandasy kezdesti. Atyraýdaǵy stadıon el birinshiligine daıyn emes. Sondyqtan atalmysh komanda óz alańyndaǵy kezdesýin ýaqytsha basqa qalada ótkizýge májbúr boldy. Bul matchta jankúıer kútpegen esep tirkeldi. «Ertis» «Atyraýdy» 3:1 esebimen jeńdi. Atalmysh oıynda «Ertis» sapynan Aslan Darabaev 30, Karlos Fonseka 33, Roher Kanıas 40-mınýtta qanjyǵasyn maılady. Oǵan «Atyraý» sapynan Ivıtsa Jýnıch bir ǵana golmen jaýap qaıyrdy.
Ekinshi oıyn Shymkentte ótti. Jergilikti «Ordabasy» óz alańynda «Aqtóbeni» qabyldady. Kezdesý taǵdyryn sheshken jalǵyz gol oıyn sońyna taman soǵyldy. Ony 85-mınýtta Alekseı Şetkın óziniń enshisine jazdy. Oıynda «Ordabasy» 1:0 esebimen jeńiske jetti.
Taǵy bir kezdesý Qyzylordada jergilikti «Qaısar» men Taldyqorǵannyń «Jetisý» komandalary arasynda ótti. Kezdesýdiń 20-mınýtynda taldyqorǵandyq Nıkıta Naýmov kezdesý taǵdyryn sheshken jalǵyz goldy soqty.
Dál qazir Qostanaıda «Tobyl» men «Taraz» komandalary kezdesip jatyr. Birinshi kezeńnen keıin alań ıeleri 1:0 esebimen basym túsýde.
Al Almatynyń «Qaıraty» men Qaraǵandynyń «Shahteri» arasyndaǵy oıyn Astana ýaqytymen 18.45-te, al «Astana» men Kókshetaýdyń «Oqjetpesi» arasyndaǵy kezdesý 19.30-da bastalady.
