Fýtbol: Erteń Astanada «Aqtóbe» men «Atyraý» Qazaqstannyń Sýper kýbogyn ózara sarapqa salady
ASTANA. Naýryzdyń 13-i. QazAqparat /Ernur Aqanbaı/ - Erteń «Astana-Arena» stadıonynda fýtboldan 2010 jylǵy Qazaqstannyń Sýper kýbogy matchy ótedi. Sýper kýbokty Premer-lıga komandalary arasynda ótken maýsymda el chempıony atanǵan Aqtóbeniń «Aqtóbe» jáne Qazaqstan kýbogyn jeńip alǵan Atyraýdyń «Atyraý» komandalary sarapqa salady,
dep habarlaıdy qazAqparat.
Bul oıyn naýryzdyń 14-i kúni saǵat 14-te bastalady. Aıta keteıik, Qazaqstan Fýtbol federatsııasynyń bekitken erejesine sáıkes, Qazaqstannyń Sýper kýbogyn aldyńǵy maýsymda Premer-lıga komandalary arasynda chempıon atanǵan jáne Qazaqstan kýbogyn jeńip alǵan komandalar ózara sarapqa salady. 2008/2009 jylǵy maýsymda «Aqtóbe» 26 oıynda 65 upaı jınap, el chempıony atanǵan bolatyn. Al, «Atyraý» bolsa fınalda Qaraǵandynyń «Shahter» komandasyn jeńip, byltyr Qazaqstan kýbogynyń ıegeri atandy.
