Fýtbol: Erıch sońǵy maýsymda oınamaýy múmkin
ASTANA. QazAqparat - «Astananyń» golkıperi Nanad Erıch tezesindegi jaraqatqa baılanysty maýsymnyń qalǵan merzimin ótkizip alýy múmkin, dep habarlaıdy «SPORTINFORM» SAA.
Tájirıbeli qaqpashy «Qyzyljarǵa» qarsy 9-shy týrdyń matchine qatysqan joq. Belgili bolǵandaı, Erıch tizesiniń aıqysh baılamyn jaraqattap alǵan. Bul jaraqattyń qanshalyqty aýyr ekeni ázirge belgisiz. Osy oraıda aıaǵyna jasalǵan zertteý sharalarynan keıin ǵana jaraqattyń mán-jaıy anyqtalmaq. Eger de qaqpashynyń alǵan zaqymy aýyr bolsa, onda fýtbolshyǵa operatsııa jasalýy múmkin. Bul rette ol 5-6 aıdy ótkizip alýy yqtımal.
Degenmen de, eshqandaı da hırýrgııalyq aralasýsyz, qaqpashy profılaktıkalyq em-domnan ǵana ótedi degen úmit bar. Osy jaǵdaıda Erıch qatarǵa aıtarlyqtaı erterek qosylady.
