Fýtbol: El chempıonatynyń 15-shi týrynan keıin kósh basyndaǵy komandalardyń upaı sany teńesti

Buǵan deıin tizgindi eshkimge bermeı kelgen Qostanaıdyń «Tobyly» bul týrda Taldyqorǵannyń «Jetisý» komandasyn qabyldap, 0:1 esebimen jeńilip qaldy, sóıtip asa mańyzdy úsh upaıdan aıyryldy. Qostanaılyqtardyń bul olqylyǵyn Pavlodardyń «Ertis» komandasy utymdy paıdalandy, olar óz alańynda Kókshetaýdyń «Oqjetpes» klýbyn 1:0 esebimen jeńdi. Osylaısha 15-shi týrdan keıin 29 upaıdan jınaǵan «Tobyl» men «Ertis» týrnır kestesinde ózara 1-shi jáne 2-shi oryndardy bólisip tur. Bul týrda Qaraǵandynyń «Shahter» komandasy kósh bastaıtyn múmkindikti múlt jiberip aldy, olar Shymkenttiń «Ordabasyn» qabyldap, 0:1 esebimen jeńilip qaldy. Sóıtip burynǵy 27 upaıymen 3-shi orynda. 15-shi týrda «Aqtóbe» sátti oınap, kósh basyndaǵy komandalarǵa bir taban jaqyndaı tústi. Byltyrǵy maýsymdaǵy el chempıony Oraldyń «Aqjaıyǵyn» 4:1 esebimen jeńip, 25 upaımen 4-shi orynǵa kóterildi. Bul týrdaǵy qalǵan matchtardyń nátıjeleri mynadaı: «Atyraý»-«Lokomatıv» 2:1, «Taraz»-«Qaırat» 2:1.