FÝTBOL: Dostastyq kýbogynyń jerebesi tartyldy
ASTANA. 5 jeltoqsan. QazAqparat - Reseı fýtbol úıinde bıyl 22-nshi ret jalaýy kóteriletin Dostastyq kýbogynyń jerebesi tartyldy. Elimizdiń jastar quramasy «S» tobyna tústi.
HHІІ Dostastyq kýbogy 2014 jyldyń 24 qańtarynan 2 aqpanyna deıin ótedi. Sankt-Peterborda ótetin dodaǵa 12 eldiń jastar arasyndaǵy quramalary qatysady. Barlyq oıyndar «Peterbýrgskıı» jabyq sport kesheninde ótedi, dep habarlady alasharena.kz.
«A» toby: Ýkraına, Tájikstan, Qyrǵyzstan, Estonııa.
«V» toby: Reseı, Lıtva, Moldova, Túrkimenstan.
«S» toby: Belarýs, Qazaqstan, Ózbekstan, Latvııa.
Esterińizge sala keteıik, 2013 jylǵy Dostastyq kýbogynda Belarýs mamany Sergeı Borovskıı jattyqtyrǵan Qazaqstan quramasy «V» tobynda baq synaǵan.
Halyqaralyq dodada Reseı jastary jeńimpaz atanyp, ekinshi oryndy Ýkraına ulandary ıelengen. Úshinshi oryn Belarýs bozbalalaryna buıyrdy. Al Qazaqstan quramasy altynshy oryndy mise tutqan bolatyn.
