Fýtbol: "Dostastyq kýbogy" úshin jarysta Qazaqstan namysyn Qostanaıdyń "Tobyl" komandasy qorǵaıdy
ALMATY. 27 jeltoqsan. QazAqparat /Erlik Erjanuly/ - Fýtboldan TMD men Baltyq jaǵalaýy elderi arasyndaǵy dástúrli "Dostastyq kýbogynyń" toptyq kezeńindegi matchtardyń kestesi shyqty.
Onda el namysyn 2010 jylǵy Qazaqstan chempıony - Qostanaıdyń "Tobyl" komandasy qorǵaıdy. Bul jarysta túńǵysh ret básekege túskeli otyrǵan "Tobyl" "V" tobynda Ózbekstannyń "Býnedkor" (Tashkent), Latvııanyń "Skonto" (Rıga), Armenııanyń "Mıka" (Erevan) klýbtarymen oınaıdy. Bizdiń komanda toptyq kezeńdegi birinshi oıynyn 15 qańtarda "Býnedkormen" ótkizedi. Odan keıin 16 qańtarda "Mıkamen," al 18 qańtarda "Skontamen" kezdesedi
Qostanaılyqtar Dostastyq kýbogyna Túrkııada daıyndalýda. Komandanyń alǵashqy oqý-jattyǵý jıyny Antalııada 19 jeltoqsanda bastaldy. Bas bapker Ravıl Sabıtov oǵan 20 fýtbolshyny baıqaýǵa shaqyrǵan bolatyn. Búgin olar alǵashqy jıyndy aıaqtaıdy. Kelesi basqosý munda 5 qańtarda bastalady dep josparlanyp otyr.
