Fýtbol: Dostastyq kýbogy týrnıriniń alǵashqy matchynda Qazaqstannyń jastar quramasyn Reseı fýtbolshylary súrindirip ketti
ASTANA. 20 qańtar. QazAqparat - Fýtboldan Qazaqstannyń jastar quramasy Sankt-Peterborda ótip jatqan «Dostastyq kýbogy-2012» týrnıri aıasyndaǵy alǵashqy kezdesýinde Reseı fýtbolshylarynan 0:1 esebimen utylyp qaldy.
Qazaqstandyqtardyń qaqpasyna soǵylǵan jalǵyz goldy birinshi taımda Anton Zabolotnyı saldy. Sondaı-aq keshe jerlesterimizben birge A tobynda óner kórsetetin Túrikmenstan quramasy Estonııa fýtbolshylaryn 1:0 esebimen tize búktirdi.
Qazaq fýtbolshylary kelesi oıynyn búgin, 20 qańtarda Túrikmenstan quramasymen ótkizedi. Toptyq kezeńniń sońynda qazaqstandyqtar 22 qańtar kúni Estonııa jastarymen kezdesedi.
Táýelsiz memleketter dostastyǵy chempıondarynyń kýbogy týrnırine bıyl alǵash ret TMD elderi ulttyq birinshilikteriniń chempıondary emes, ulttyq jastar quramalary (21 jasqa deıin) qatysýda.
2012 jylǵy kýbokty Belarýs, Qazaqstan, Reseı, Qyrǵyzstan, Tájikstan, Túrikmenstan, Moldavııa, Ýkraına, Latvııa, Lıtva, Estonııa jáne Iran jastary sarapqa salýda.
