Fýtbol: Dıskvalıfıkatsııadan qashqan PSJ 6 oıynshysyn satýǵa májbúr
ASTANA. QazAqparat - Frantsýzdyq PSJ Eýropalyq fýtbol qaýymdastyǵynyń (ÝEFA) dıskvalıfıkatsııa jasaýynan qashý maqsatynda alty fýtbolshysyn satýǵa qoıdy.
Bul týraly keshe, 25 qyrkúıekte AS habarlady.
Basylymnyń aqparatyna qaraǵanda, ÝEFA eger komanda qarjylyq feır-pleı erejesin buzar bolsa parıjdyqtar Chempıondar lıgasynyń 2018/19 maýsymyna qatystyrylmaıtyndyǵyn málimdegen. Osyǵan baılanysty klýb basshylyǵy Anhel Dı Marııa, Haver Pastore, Lýkas Moýra, ıÝlıan Draksler, Atem Ben Arfa, Tıago Sılva, Blez Matıýıdı jáne Serj Oreni transferge qoıdy. Sońǵy ekeýi ótken jazda ıtalııalyq «ıÝventýs» pen aǵylshyndyq «Tottenhemge» satylǵan bolatyn.
Eske sala ketsek, 1 qyrkúıekte ÝEFA qarjylyq feır-pleı erejesin buzdy degen kúdikpen PSJ komandasyn tekserýdi bastaǵan edi.
Ótken jazda PSJ-ǵa ıspandyq «Barselonadan» brazılııalyq Neımar aýysty. Buǵan 222 mıllıon dollar jaratylǵan. Sondaı-aq klýb «Monakodan» 18 jastaǵy shabýylshy Kılıan Mbappeni 160 mıllıonǵa satyp alý quqymen «arendaǵa» alǵan edi.
Aıta ketken jón, qarjylyq feır-pleı erejesin 2012 jyly burynǵy ÝEFA prezıdenti Mıshel Platını engizgen bolatyn. Erejege sáıkes eýropalyq klýbtardyń tapqan tabystarynan artyq qarjy jaratýǵa quqyqtary joq.
