FÝTBOL: Chempıondar Lıgasynyń aqtyq synyna qatysatyn alǵashqy komanda anyqtaldy
ASTANA. 1 mamyr. QazAqparat - Fýtboldan ÝEFA Chempıondar Lıgasynyń alǵashqy fınalısti anyqtaldy. 25 mamyr kúni Londonnyń «Ýemblı» stadıonynda Dortmýndtyń «Borýssııa» (Germanııa) komandasy oınaıtyn boldy.
Madrıdtiń «Santıago Bernabeý» stadıonynda ótken jartylaı fınaldyq kezeńniń qarymta matchynda jergilikti «Real» «Borýssııany» 2-0 esebimen tize búktirgenimen, qos oıyn qorytyndysy boıynsha 4-3 esebimen jeńiske jetken nemister aqtyq synǵa joldama aldy.
Esepti oıynnyń 83-shi mınýtynda «koroldik» klýbtyń frantsýz shabýylshysy Kárim Benzema ashty, al 88-shi mınýtta madrıdtikterdiń osy oıyndaǵy kapıtany qorǵaýshy Serhıo Ramos barsha jankúıer júreginde úmit otyn jaqqan edi. Alaıda úshinshi dop soǵýǵa «Realǵa» ýaqyt jetispedi.
Esterińizge sala keteıik, Germanııada ótken alǵashqy matchta «Borýssııa» 4-1 esebimen basym túsken bolatyn. Ol oıynda polıak shabýylshysy Robert Levandovskıı tórt dop soqsa, «Realdyń» juldyzy Krıshtıaný Ronaldý bir doppen jaýap bergen edi.
«Borýssııanyń» qarsylasy «Barselona» (Ispanııa) men «Bavarııa» (Germanııa) arasynda Katalonııa astanasynda ótetin qarymta oıynda anyqtalady. Alǵashqy match 4-0 esebimen mıýnhendikterdiń paıdasyna aıaqtalǵanyn esepke alsaq, bıylǵy jyly Chempıondar Lıgasynyń fınalynda qos nemis komandasy qarsylas atanýy ǵajap emes.
