Fýtbol: Chempıondar lıgasy men Eýropa lıgasy fınaldyq kezeńi qalaı ótkiziledi
NUR-SULTAN. QazAqparat - UEFA 2019/2020 jylǵy kezeńdegi Chempıondar lıgasy men Eýropa lıgasy fınaldaryn ótkizýge baılanysty sheshim qabyldady, dep habarlaıdy QazAqparat tilshisi uıymnyń saıtyna silteme jasap.
Bul sheshim búgin ótken UEFA atqarý komıtetiniń otyrysynda belgili boldy.
Chempıondar lıgasynyń fınaly Portýgalııa astanasy - Lıssabon qalasynda ótedi. Ol segizdik fınaly formatynda bolady. Oıyndar 10-23 tamyz aralyǵynda ótkiziledi. Qazir jartylaı fınalǵa shyqqan Frantsııanyń «Parı Sen-Jermen», Ispanııanyń «Atletıko» (Madrıd), Germanııanyń «RB Leıptsıg» jáne Italııanyń «Atalanta» komandalary belgili. Qalǵan tórt komanda «Napolı» (Italııa) men «Barselona» (Ispanııa), «Chelsı» (Anglııa) men «Bavarııa» (Germanııa), «Lıon» (Frantsııa) men «ıÝventýs» (Italııa), «Real Madrıd» (Ispanııa) men «Manchester Sıtı» (Anglııa) komandalary arasynda anyqtalady.
Bıyl fınaldyq oıyn Túrkııanyń Stambýl qalasynda ótkizilýi tıis bolatyn. Degenmen ol kelesi jylǵa shegerildi. Al fınal 2022 jyly - Reseıdiń Sankt-Peterbýrg), 2023 jyly - Mıýnhen (Germanııa),2024 jyly - London qalalarynda bolady.
Al Eýropa lıgasy fınaldyq kezeńi Germanııanyń Keln, Dýısbýrg, Dıýsseldorf jáne Gelzenkırhen qalalarynda bolady. Oıyndar 10-21 tamyz aralyǵynda ótkiziledi. Esterińizge sala ketelik, oıyndar jarystyń 1/8 fınaldyq satysynyń alǵashqy kezeńinde toqtatyldy.
Budan buryn fýtboldan Chempıondar lıgasyna qatysqan barlyq komandanyń reıtıngi jarııalanǵan bolatyn.
Sondaı-aq, 2020 jylǵy Eýropa chempıonatynyń ótkizý formaty naqtylandy. Ol burynǵysha káriqurlyqtaǵy Sankt-Peterbýrg (Reseı), London (Anglııa), Mıýnhen (Germanııa), Baký (Ázerbaıjan), Rım (Italııa), Býharest (Rýmynııa), Kopengagen (Danııa), Amsterdam (Nıderlandy), Bılbao (Ispanııa), Glazgo (Shotlandııa), Býdapesht (Vengrııa) jáne Dýblın (Irlandııa) qalalarynda ótkiziledi. Fınal Anglııa astanasy - London qalasynda bolady.
UEFA atqarý komıtetiniń otyrysynda Chempıondar lıgasy men Eýropa lıgasy irikteý satysyndaǵy oıyndardy ótkizý jospary da naqtylandy. Eýrokýbok oıyndarynyń irikteý satysy bir kezdesýden turady. Ol jerebe boıynsha anyqtalady. Chempıondar lıgasynyń alǵashqy irikteý satysy 8-11 tamyz aralyǵynda bolsa, Eýropa lıgasynda ol 20 tamyzda ótkiziledi.
Budan buryn UEFA atqarý komıtetiniń otyrysy 17 maýsymǵa aýystyrylǵanyn habarlaǵan edik.
