Fýtbol: Chempıondar lıgasynda rekordtyq nátıje tirkeldi

ASTANA. KAZINFORM – 29 qańtardan 30-yna qaraǵan túni Chempıondar lıgasy jalpy kezeńiniń 8-týrynda 18 matchta 64 gol soǵyldy.

Championat.com saıtynan alynǵan málimetke qaraǵanda, bul – XXI ǵasyrdaǵy eń úzdik kórsetkish.

Al jalpy týrnır tarıhynda ol ekinshi nátıje bolyp esepteledi. Budan buryn 1970 jyly 16 qyrkúıekte 1970-1971 jylǵy Eýropa chempıondary kýbogynyń birinshi kezeńinde 16 kezdesýde 66 gol soǵylǵan edi.

Chempıondar lıgasynyń jalpy kezeńinde 8 oıynda 21 upaı jınaǵan aǵylshyndyq «Lıverpýl» klýby úzdik shyqty. Ispanııalyq «Barselona» 19 upaımen ekinshi orynǵa ıe bolsa, londondyq «Arsenal» (19 upaı) úzdik úshtikti túıindedi.

Alǵashqy segizdikke engen komandalar 1/8 fınalǵa birden joldama aldy. 9-24 oryn alǵan klýbtar qalǵan segiz joldamany sarapqa salady.

Eske sala keteıik, budan buryn Eýropa lıgasynda Zaınýtdınov oınaıtyn «Beshıktash» komandasy iri eseppen jeńiske jetkenin jazǵan bolatynbyz.