Fýtbol: Chempıonattyń aıaqtalýyna 2 týr qaldy, top basynda «Tobyl»
ASTANA. Qazannyń 28-i. QazAqparat - Keshe fýtboldan Premer-lıga komandalary arasynda Qazaqstan chempıonatynyń ekinshi kezeńiniń 30-ynshy týr oıyndary ótti.
Bul týrda 1-6-ynshy oryndarǵa talasyp jatqan komandalar mynadaı nátıje kórsetti. Kósh basyndaǵy Qostanaıdyń «Tobyly» syrt alańda Qaraǵandynyń «Shahterin» 1:0 esebimen jeńdi. Osy maýsymda bas júldeden úmitker taǵy bir komanda «Aqtóbe» de syrt alańda jeńiske jetti, olar Pavlodarda jergilikti «Ertisten» 3:1 esebimen basym tústi. Astananyń «Lokomotıvi» bolsa «Atyraýdy» qybyldap, 2:0 esebimen utty Osylaısha 30 oıynda 58 upaı jınaǵan «Tobyl» kósh bastap keledi. «Aqtóbe» 57 upaımen 2-nshi orynda tur. Árqaısynda 50 upaıdan bar «Lokomotıv» pen «Ertis» ózara úshinshi oryndy bólisýde. Bulardan soǵylǵan jáne jiberilgen doptardyń aıyrmashylyǵy jaǵynan astanalyqtardyń kórsetkishi jaqsy.
Al 7-12-inshi oryndarǵa talasyp jatqan komandalardyń týrdaǵy nátıjeleri mynadaı: «Ordabasy»-«Qaırat» 1:1, «Taraz»-«Jetisý» 1:1, «Aqjaıyq»-«Oqjetpes» 2:0. Kelesi, 31-inshi týrdyń oıyndary qarashanyń 1-inde ótedi. Chempıonat qarashanyń 6-synda máresine jetedi.
