Fýtbol: chempıonat júldegerleri tolyq anyqtaldy

Bul joly Almatyda ótken ortalyq kezdesýde birinshiliktiń bitýine eki týr qalǵanda óz tarıhynda alǵash ret el chempıony atanyp úlgergen, Stanımır Stoılov jattyqtyratyn «Astana» «Qaıratqa» des bergen joq. Tek 3:0 bolǵannan keıin sál saıabyrsyǵan astanalyqtar esepti 3:2-ge deıin qysqartýǵa múmkindik berdi. Sóıtip birinshilik sońyna taman basty qarsylastarymen oıyndaryn sátsiz ótkizgen «Qaırat» chempıondyq túgili, kúmis júldeden de aıyrylyp qaldy. Shymkentte «Ordabasyny» 3:1 esebimen tize búktirgen «Aqtóbe» komandasy ótken jylǵy chempıondyqty bıyl ekinshi orynǵa aıyrbastady. Shymkentte «Ordabasyny» 3:1 esebimen tize búktirgen «Aqtóbe» komandasy ótken jylǵy chempıondyqty bıyl ekinshi orynǵa aıyrbastady. Bıylǵy maýsymdaǵy basty sátsizdikterdiń biri Qazaqstan klýbtary arasynan tuńǵysh ret ótken jyly chempıondar lıgasynda aıdy aspanǵa shyǵaryp, Shotlandııanyń «Seltıginen» ǵana súringen, sóıtip Eýropa lıgasynda toptyq kezeńge deıin jetken qaraǵandylyq «Shahterdiń» altynshy orynǵa syrǵyp ketýi der edik. Al ótken jyly birinshi lıgadan kelgen Qyzylordanyń «Qaısary» bıyl tabysty oıyn órnegin kórsetip, birden besinshi orynǵa kóterildi. Semeıdiń «Spartagy» mundaı erlikke shamasy jetpeı, birinshi lıgaǵa qaıta oraldy. «Taraz» bolsa, qosymsha matchta Shymkenttiń «Qyranymen» premer-lıgada qalý úshin talasqa túsedi. Bul kezdesý 16 qarasha kúni ótedi. Osy kúni Eýropa chempıonaty irikteý oıyndarynyń bıylǵy sońǵy matchynda Qazaqstan ulttyq quramasy óz tobynda syrt alańda Túrkııamen kúsh synasady. Bıylǵy maýsym osymen qorytyndylanbaq.

Mergender kóshinde alǵashqy úsh oryndy legıonerler ıelendi. Astanalyq, Ońtústik Afrıka Respýblıkasynyń ókili Foksı Ketovoama 16 doppen úzdik atansa, «Atyraýdan» serbııalyq Mılosh Trıfýnovıch pen «Qaırattan» ıvýarııalyq shabýylshy Jerar Goý sáıkesinshe 13, 12 doppen úshtikke ilindi.