Fýtbol: «Chelsı» álemniń eń qymbat qaqpashysyn satyp aldy
ASTANA. QazAqparat - 23 jastaǵy qaqpashynyń transferi 80 mıllıon eýroǵa baǵalandy, dep habarlaıdy QazAqparat Guardian-ǵa silteme jasap.
Atalǵan basylymynyń jazýynsha, Ispanııanyń «Atletık Bılbao» klýbynyń qaqpashysy Kepa Arrısabalaga búgin Madrıdte advokattarymen birge Anglııanyń «London» klýbynan qajetti qarjyny alyp, ıspanııalyq klýbpen jasasqan kelisimshartyn birjaqty tártippen buzý úshin tıisti ótemaqyny (klaýsýla) tólegen.
Muny «Atletık» tarapy da rastady.
«Kepa Arrısabalaga «Athletic Club-pen» jasasqan kelisimshartyn birjaqty tártippen buzý úshin tıisti talaptardyń barlyǵyn oryndady. Kelisimshartta kórsetilgen ótemaqy somasy tolyqtaı tólendi. «Atletık» fýtbolshyǵa bizdiń klýbqa qosqan úlesi úshin alǵys bildiredi», - delingen klýbtyń saıtyndaǵy resmı habarlamasynda.
Osylaısha, Kepa Arrısabalaga álemdegi eń qymbat qaqpashyǵa aınaldy.
