Fýtbol: Chehııada qazaqstandyq stýdentter komandalarynyń arasynda irikteý týrnıri ótti
ASTANA. 18 qazan. QazAqparat - Qazaqstan Respýblıkasynyń Chehııa Respýblıkasyndaǵy elshiligi Chehııadaǵy «Tarlan» qazaqstandyq stýdentter uıymymen birlesip,
osy eldegi joǵary oqý oryndarynda oqıtyn qazaqstandyq stýdentterdiń arasynda shaǵyn fýtboldan «Eurokz-2014» stýdenttik kýboginiń aqtyq synyna irikteý týrnırin uıymdastyrdy.
Bul týraly QR SІM baspasóz qyzmetinen habarlady.
Jarys qatysýshylaryna qarata aıtqan sózinde Chehııadaǵy QR Elshiliginiń ókili atalǵan sporttyq saıystyń elde qatarynan birneshe jyl ótkizilip, stýdenttik qoǵamdastyqtardyń arasyndaǵy dástúrli sharaǵa aınalǵandyǵyn atap ótti.
Jarys nátıjesi boıynsha, «Barys» qazaqstandyq stýdentter qurama komandasy jeńimpaz jáne Kýbok ıegeri atandy. Ekinshi oryndy «Aıaks» komandasy, úshinshi oryndy «Skalea» ıelendi.
Týrnır qorytyndysy boıynsha, fýtbolshylar arasynda chempıonattyń úzdik oıynshylary ataǵy úshin eki atalym boıynsha báseke uıymdastyryldy. Týrnırdiń «Úzdik shabýyldaýshysy» bolyp qazaqstandyq stýdent Venıamın Dmıtrıev, al «Úzdik qaqpashy» bolyp Alnýr Musabaev tanyldy.
Ótken jyly stýdenttik Kýbok Polshada ótti, onda Chehııadaǵy qazaqstandyq stýdentter birinshi oryn alyp, atalǵan týrnırdiń bıyl Pragada ótýine sebepker boldy.
