Fýtbol: «Tsesna-94» klýby QR Prezıdentiniń kýbogy týrnıriniń qola júldesinen úmitti
ASTANA. Sáýirdiń 30-y. QazAqparat /Ernur Aqanbaı/ - Astanada ótip jatqan fýtboldan jasóspirimder arasynda QR Prezıdentiniń kýbogy úshin dástúrli týrnırde elordanyń «Tsesna-94» komandasy búgin Reseıdiń «TsSKA» (Máskeý) klýbymen 3-shi orynǵa talasady,
dep habarlaıdy QazAqparat.
Aıta keteıik, «A» tobynda oınaıtyn «Tsesna-94» birinshi kezdesýinde Qytaıdyń Shyńjań-Uıǵyr Avtonomııalyq Respýblıkasy komandasyn 3:2, ekinshi matchta Ózbekstannyń «Býnedkor» (Tashkent) klýbyn 1:0 esebimen utqan bolatyn. Al, toptyq kezeńdegi úshinshi oıynynda Reseıdiń «Zenıt» (Sankt Peterbor) komandasynan 3:5 esebimen utylyp qaldy. Sóıtip «A» tobynda ekinshi oryn alǵan «Tsesna-94» «V» tobynda ekinshi orynnan kóringen TsSKA-men týrnırdiń qola júldesin sarapqa salady. Al, bas júldesi úshin «Zenıt» pen Serbııanyń jasóspirimder quramasy oınaıdy. Bul eki komanda da óz toptarynda barlyq oıynda jeńiske jetip, birinshi oryn aldy. 5-shi oryn úshin Ózbekstannyń «Býnedkor» jáne Túrkııanyń «Galatasaraı», 7-shi oryn úshin Qytaıdyń Shyńjań-Uıǵyr Avtonomııalyq Respýblıkasynyń komandasy men Ázirbaıjannyń «Baky» klýby talasady.
