Fýtbol: Buryn Belgııa Brazılııany 5:1 esebimen jeńgen
ASTANA. QazAqparat - Búgin Reseıdegi 2018 jylǵy Álem chempıonaty shırek fınal oıyndaryna start beriledi. Brazılııa-Belgııa matchy osy chempıonattyń eń qyzyqty kezdesýleriniń biri bolmaq, dep habarlaıdy QazAqparat tilshisi.
Oǵan birneshe sebep bar. Eń aldymen, eki qurama oıynshylarynyń kópshiligi bir klýb sapynda óner kórsetetini nazar aýdartady. Ispanııanyń «Barselona» komandasynda oınaıtyn Koýtıno, Paýlıno (Brazılııa) - Vermalen (Belgııa); Anglııanyń «Chelsı» komandasy sapyndaǵy Vıllıan - Kýrtýa, Azar, Batshýaıı; «Lıverpýl» (Anglııa) músheleri Fırmıno - Mınole; Anglııanyń taǵy bir komandasy «Manchester Sıtı» quramyndaǵy Gabrıel Jesýs, Fernandıno, Ederson - de Breıne, Kompanı; Frantsııanyń «PSJ» komandasynda júrgen Neımar, Tıago Sılva, Markınos - Mene sekildi fýtbolshylar bir-birin óte jaqsy biledi.
Osy oıynnyń teorııadaǵy favorıti retinde kórsetiletin Brazılııada quram jaǵynan bári oıdaǵydaı. Keshe oıyn aldyndaǵy baspasóz máslıhatynda bas bapker Tıte qorǵaýshy Marselo men jartylaı qorǵaýshy Dýglas Kostanyń negizgi quram sapynda alańǵa shyǵa alatynyn málimdedi.
Búgingi Brazılııa juldyzdy fýtbolshylary jaǵynan da, oıynshylardyń dene daıyndyǵy jaǵynan da osy chempıonatta kóptegen quramany basyp ozady. Máselen, Fılıppe Koýtıno komandadaǵy eń kóp júgirgen fýtbolshy atanyp otyr. Ol ótken tórt oıynda 41,4 kılometr júgirgen. Al bas juldyz Neımar tórt oıynda qarsylastar qaqpasyna 12 soqqy baǵyttap, chempıonattaǵy eń úzdik nátıjeni kórsetip otyr. Sol on ekiniń ekeýi golǵa aınalǵan.
Biraq komanda retinde Belgııanyń nátıjeleri meılinshe kóz tartady. «Qyzyl soıqandar» sońǵy ret sonaý 2016 jyldyń qyrkúıeginde Ispanııadan jeńilgen. Sodan bergi 23 oıynda jeńilmeı keledi, al Álem chempıonatynyń sońǵy tórt oıynynda jeńiske jetken. Týrnırdegi 12 goly olardyń eń úzdik kórsetkish bolyp otyr.
Budan tys, Belgııa qarsylastar qaqpasyna qaraı 77 ret tepken, sol soqqylardyń 30-y qaqpaǵa týra barǵan. Bul jaǵynan da Roberto Martınes shákirtteri aldyna jan salmaı keledi.
Taǵy bir qyzyq jaıt, Brazılııa quramasynyń álem chempıonattaryndaǵy sońǵy alty jeńilisi Eýropa ókilderiniń úlesine týra keledi. 2014 jyly Germanııa men Gollandııadan, 2010 jyly Gollandııadan, 2006 jyly Frantsııadan, 1998 jyly Frantsııadan, tipti Norvegııadan utylyp qalǵan.
Belgııalyqtardy álem chempıonattarynyń pleı-off kezeńinde jarystan shyǵaryp jibergender de - Ońtústik Amerıka quramalary, sonyń ishinde Brazılııa bar. Olardy tórt jyl burynǵy shırek fınalda Argentına utqan, al 2002 jyly 1/8 fınalda Brazılııa 2:0 esebimen tize búktirgen.
ıAǵnı, búgingi oıynda komandalardyń bireýiniń serııasy buzylatyny anyq.
Tarıh demekshi, buǵan deıin eki qurama tórt márte - úsh ret joldastyq matchynda, bir ret Álem chempıonatynda kezdesken. 1963 jyly ótken alǵashqy oıynda belgııalyqtar Brazılııany 5:1 esebimen talqandaǵan. Biraq araǵa eki jyl salyp, Rıo-de-Janeıroda Brazılııa ese qaıtardy. 5:0 esebimen aıaqtalǵan oıynda fýtbol koroli Pele karerasyndaǵy sońǵy jetinshi het-trıgin toılaǵan bolatyn. 1990 jylǵy joldastyq kezdesýde de Belgııa óz alańynda 1:2 esebimen jeńiliske ushyrady. Al Ońtústik Koreıa jáne Japonııa jasyl alańdarynda ótken Álem chempıonatynda bolashaq pentakampeondar Rıvaldo men Ronaldo gol soǵyp, jeńisti julyp áketken.
Jalpy, komandalar búgingi machta baryn salmasa kelesi kezeńge ótpeıtinin jaqsy túsinedi. Oıyn Qazan qalasyndaǵy «Qazan Arena» stadıonynda bolady. Ony Qazaqstannyń eki birdeı telearnasy - Qazsport jáne Qazaqstan 00:00-den bastap tikeleı efırden kórsetedi.
