Fýtbol: Búgin «Real» men «Lıon» jáne «Manchester ıÝnaıted» pen «Mılan» arasynda qarymta matchtar ótedi
ASTANA. Naýryzdyń 10-y. QazAqparat /Ernur Aqanbaı/ - Anglııanyń «Arsenal» jáne Germanııanyń «Bavarııa» komandalary fýtboldan Eýropa chempıondary lıgasynyń shırek fınalyna shyqty.
1/8-shi fınaldaǵy qarymta matchta «Arsenal» Portýgalııanyń «Portý» komandasyn qabyldap, 5:0 esebimen oısyrata jeńdi. Bul komandalar arasyndaǵy birinshi oıyn 2:1 esebimen «Portýdyń» paıdasyna sheshilgen bolatyn. Alaıda, qos matchtyń qorytyndysy boıynsha jeńiske jetken «Arsenal» kelesi kezeńge shyqty. «Bavarııa» bolsa eki matchtyń nátıjesi boıynsha Italııanyń «Fıorentına» komandasyn jeńdi. Germanııada ótken birinshi matchta 2:1 esebimen nemis fýtbolshylary basym tússe, qarymta oıynda 3:2 esebimen ıtalııalyqtardyń mereıi ústem boldy. Alaıda, syrt alańda kóp gol soqqandyǵynyń arqasynda shırek fınalǵa «Bavarııa» shyqty. Búgin Ispanııanyń «Real» jáne Frantsııanyń «Lıon», Anglııanyń «Manchester ıÝnaıted» jáne Italııanyń «Mılan» komandalary arasynda 1/8-shi fınaldyń qarymta matchtary ótedi. Aıta keteıik, shırek fınaldyń birinshi matchynda «Lıon» «Realdy» qabyldap, 1:0 esebimen jeńiske jetti. Al, «Mılan» bolsa óz alańynda Anglııanyń «Manchester ıÝnaıted» komandasynan 2:3 esebimen utylyp qalǵan bolatyn.
