Fýtbol: Búgin Premer-lıgada tórtinshi týr oıyndary bastalady
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń tórtinshi týry bastalady, dep habarlaıdy QazAqparat tilshisi.
Atalǵan týr oıyndary 9 jáne 10 sáýir kúnderi ótkiziledi. Alǵashqy kúni tórt kezdesý bolsa, odan keıin qalǵan úsheýi oınalady.
Úshinshi týrdy búgin elorda ýaqytymen 14.00-de saǵat «Taraz» jáne Qaraǵandynyń «Shahter» komandalary bastaıdy. Al 16.00-de Oralda jergilikti «Aqjaıyq» pen Petropavldyń «Qyzyljary» sheberlik baıqassa, 18.00-de Qyzylordada «Qaısar» men Aqtaýdyń «Kaspııi» jasyl alańǵa shyǵady. Búgingi oıyndardy 19.00-de «Aqtóbe» men Shymkenttiń «Ordabasy» komandalary qorytyndylaıdy.
Al 10 sáýirde Taldyqorǵanda 15.00-de jergilikti «Jetisý» men Qostanaıdyń «Tobyl» klýbtary kezdesse, 17.00-de Almatyda «Qaırat» pen Túrkistannyń «Turan» klýbtarynyń kezdesýimen jalǵasady. Atalǵan týrdaǵy sońǵy oıyn 19.00-de elordada «Astana» men «Atyraý» arasynda bolady.
Esterińizge sala ketelik, qazir týrnır kestesinde jeti upaımen «Qaırat» kósh bastap tur. Odan keıingi oryndardaǵy «Ordabasyda» 6, «Aqtóbede» 5 upaıdan bar.
