Fýtbol: Búgin Qazaqstan quramasy Moldovamen joldastyq kezdesý ótkizedi
ASTANA. Naýryzdyń 3-i. QazAqparat /Ernur Aqanbaı/ - Búgin Túrkııanyń Antalıa qalasyndaǵy «Atatúrik» stadıonynda fýtboldan Qazaqstan quramasy men Moldova quramasynyń arasynda joldastyq kezdesý ótedi.
Bul bizdiń komandanyń 2010 jyldaǵy alǵashqy matchy, dep habarlaıdy QazAqparat.
Qazaqstan fýtbol federatsııasynyń málimetinshe, qazirgi ýaqytta Qazaqstan quramasy Túrkııada oqý-jattyǵý jıynynda júr. Quramaǵa shaqyrylǵan fýtbolshylar túgeldeı oqý-jattyǵý jıynyna kirisken. Alaıda, Moldova quramasymen bolatyn búgingi oıynǵa qaqpashy Aleksandr Mokın (Ordabasy, Shymkent) qatysa almaıdy. Mokın jaraqat alyp qalǵan. Onyń ornyna quramaǵa «Atyraý» komandasynyń qaqpashysy Andreı Shabanov shaqyrylyp otyr.
