FÝTBOL: Búgin Qazaqstan quramasy Antalııada Azerbaıjan komandasymen kezdesedi
ASTANA. QazAqparat - Fýtboldan Qazaqstan ulttyq quramasy 2018 jyly Reseıde ótetin álem chempıonatynyń irikteý kezeńine daıyndyqty bastap ketti.
Qazaqstan ulttyq quramasy Danııa, Rýmynııa, Armenııa, Polsha, Chernogorııa komandalarymen «E» tobynda oınaıdy. Al bul irikteý matchtary bıylǵy jyldyń qyrkúıek aıynda bastalmaq.
Bıylǵy jyly Qazaqstan ulttyq quramasy ádettegideı maýsym aralyq jattyǵý jumysyn Túrkııa elinde bastady. Naýryzdyń 21-30 aralyǵynda ulttyq qurama jigitteri eki joldastyq kezdesý ótkizbek. 26 naýryz kúni Antalııa qalasynda Ázerbaıjan quramasymen oınaıdy. Odan keıin syrt alańda, Grýzııadaǵy kezdesý kútip tur.
Eske sala ketsek, Qazaqstan men Ázerbaıjan ózara jeti ret kezdesken.
Sáıkesinshe qos komanda bir-birin eki ret jeńgen jáne úsh ret teń oınady. Komandalar osyǵan deıin 2008 jyly dál osy Antalııa qalasynda joldastyq kezdesý ótkizip, 0-0 esebimen teń tarqasqan edi. Joldastyq kezdesýden bólek komandalar ózara tórt ret negizgi matchta kezdesti. Sáıkesinshe ózara bir kezdesýden basym túsken jáne eki oıyn teń aıaqtalǵan.
Komandalar arasyndaǵy sońǵy oıyn 2011 jyly Ázerbaıjannyń paıdasyna sheshilgen (3-2).
Býkmekerlik keńseler bolsa bul eliń sál de bolsa basymdylyqqa ıe ekendigin kórsetti. Olar Ázerbaıjannyń jeńisine 2.7 teń oıyn úshin 3.02 jáne Qazaqstannyń jeńisi úshin 2.93 koeffıtsıent berdi, dep habarlaıdy alaman.kz.
