Fýtbol: Brazılııalyq shabýylshy «Ordabasydan» «Qaıratqa» aýysty
NUR-SULTAN. QazAqparat – Brazılııalyq shabýylshy Joao Paýlo «Ordabasydan» el chempıony «Qaıratqa» aýysty, dep habarlaıdy QazAqparat tilshisi.
«Qaırat» fýtbol klýby málim etkendeı, oıynshymen 1,5 jylǵa kelisimshartqa qol qoıyldy.
Joao Paýlo da Sılva Araýjo 1988 jyly 2 maýsymda Brazılııanyń Natal qalasynda dúnıege kelgen. ABS fýtbol klýbynyń túlegi.
Kásibı jolyn 2007 jyly bastap, Brazılııa, Ońtústik Koreıa jáne Bolgarııanyń túrli klýbtarynda dop tepti. 2019 jyldan beri shymkenttik «Ordabasyda» óner kórsetip keldi.
Barlyǵy 314 matchta 101 gol soǵyp, 38 nátıjeli pas berdi. Sonyń ishinde «Ordabasy» sapynda 72 oıynda 35 gol, 15 nátıjeli pastyń avtory atandy, Bıylǵy maýsymda shymkenttik komanda quramynda 14 kezdesýde alańǵa shyǵyp, qarsylastar qaqpasyna 8 gol soqty, úsh ret nátıjeli pas berdi.
Eske sala keteıik, budan buryn Oraldyń «Aqjaıyǵy» «Aqtóbege» ese jibergenin jazǵan bolatynbyz.
