FÝTBOL: Brazılııa ÁCh qaýipsizdigine 1 mıllıard dollarǵa jýyq qarjy jumsamaq
ASTANA. QazAqparat - Brazılııa alda bolatyn fýtboldan álem chempıonaty barysyndaǵy qaýipsizdikti qamtamasyz etýge 1, 9 mıllıard real (0,9 mıllıard dollarǵa jýyq) bóldi, dep habarlady juma kúni eldiń qorǵanys mınıstri Selsý Amorım.
Álemdik birinshilik 12 maýsymnan 13 shildege deıin Brazılııanyń 12 qalasynda ótedi: Rıo-de-Janeıro, Resıfı, Salvadore, San-Paýlý, Portý-Alegrı, Manaýse, Fortaleze, Natale, Belý-Orızontı, Brazılıa, Kýıabe, Kýrıtıbe.
«Brazılııa match kórýge keletin óz azamattary men shetel týrısteriniń qaýipsizdigine kepildik berý úshin erekshe daıyndyq júrgizdi», - degen Amorımniń sózin keltirdi meksıkalyq Jornada basylymy.
Oıyn barysynda qaýipsizdikti qamtamasyz etý boıynsha is-sharalarǵa barlyǵy túrli kúshtik qurylymdardan 157 myń adam tartylady. Mamyrdyń ortasynda Brazılııa bıligi chempıonat aldynda el shekaralaryndaǵy qaýipsizdikti qamtamasyz etý boıynsha iri aýqymdy operatsııa bastady. »Agat-8» sharasy Brazılııanyń Ońtústik Amerıkanyń on elimen aradaǵy 16,9 myń shaqyrymdyq shekarasyn qamtıdy.
