Fýtbol: Birqatar eýrokýbok oıyndarynyń ótetin orny ózgerdi
NUR-SULTAN. QazAqparat - Fýtboldan UEFA aıasyndaǵy Chempıondar lıgasy men Eýropa lıgasy 1/8 fınalyndaǵy birqatar oıyndar ótetin orny ózgerdi. Bul koronavırýs ınfektsııasyna baılanysty keıbir memleketterde qalyptasqan jaǵdaıǵa oraı qolǵa alynyp otyr, dep habarlaıdy QazAqparat tilshisi UEFA saıtyna silteme jasap.
Chempıondar lıgasyndaǵy «Atletıko Madrıd» (Ispanııa) pen Anglııanyń «Chelsı» komandalary arasyndaǵy 23 aqpandaǵy kezdesý Rýmynııa astanasy - Býharest qalasyndaǵy «Arena Natsıonale» stadıonynda ótkiziledi.
Al 16 aqpandaǵy «RB Leıptsıg» (Germanııa) jáne «Lıverpýl» (Anglııa), 24 aqpandaǵy «Borýssııa» (Menhengladbah, Germanııa) jáne «Manchester Sıtı» (Anglııa) oıyndary Vengrııa astanasy - Býdapesht qalasyndaǵy «Pýshkash Arena» stadıonynda bolady.
18 aqpandaǵy «Molde» (Norvegııa) men «Hoffenhaım» (Germanııa), «Real Sosedad» (Ispanııa) jáne «Manchester ıÝnaıted» (Anglııa), «Benfıka» (Portýgalııa) men «Arsenal» (Anglııa), «Volfsberg» (Avstrııa) jáne «Tottenhem Hotspýrs» (Anglııa) arasyndaǵy matchtarda da osyndaı jaǵdaı. Sondaı-aq, 24 aqpandaǵy «Arsenal» (Anglııa) jáne «Benfıka» (Portýgalııa) kezdesýi ótetin oryn da ózgeredi.
Atalǵan komandalar namysyn qorǵaıtyn memleketter arasynda koronavırýs ınfektsııasyna baılanysty áýe qatynasy toqtatylǵan. Qazir Eýropanyń keıbir elderinde qaterli indetke baılanysty saqtyq sharalary kúsheıtildi.
Aıta keteıik, budan buryn fýtboldan klýbtar arasyndaǵy álem chempıonatynda «Bavarııa» jeńimpaz atanǵan bolatyn.
