Fýtbol: Birinshi lıgada joldama máselesi sońǵy týrda sheshiledi
NUR-SULTAN. QazAqparat – Fýtboldan birinshi lıga komandalary arasynda el birinshiligi márege jaqyn qaldy, dep habarlaıdy QazAqparat tilshisi.
Kósh basynda kele jatqan komandalar 25-týrda súringen joq.
Petropavldyń «Qyzyljary» syrt alańda «Akademııa Ońtústik» komandasyn 3:0 esebimen oısyrata jeńip, 55 upaımen birinshi orynda qaldy.
Aqtaýda «Ekibastuzdy» 3:1 esebimen tize búktirgen «Kaspıı» klýby 53 upaımen ekinshi orynda keledi.
Úshinshi-tórtinshi oryndarda Shyǵys Qazaqstannyń «Altaıy» men Oraldyń «Aqjaıyǵy» tur. Olardyń enshisinde 52 upaıdan bar.
Oraldyqtar Almatyda «Qaırat-Jastar» komandasynan 3:1 esebimen aılasyn asyrdy. «Aqjaıyq» sapynda Roman Pavınıch, Erbolat Rústemov jáne brazılııalyq legıoner Mello Djakomo mergendigimen kózge tústi.
Óskemende ótetin oıynǵa «Qyran» komandasy barmaı qalǵandyqtan, úsh upaı «Altaıdyń» enshisine jazyldy.
Sonymen, premer-lıga joldamasynan burynǵysha tórt komanda úmitker. Joldama máselesi 3 qarasha kúni ótetin sońǵy týrda «Qyzyljar» - «Baıqońyr», «Shahter-Bolat» - «Kaspıı», «Ekibastuz» - «Altaı», «Aqjaıyq» - «Astana M» oıyndarynda sheshiledi. Eger «Qyzyljar» men «Kaspıı» qarsylastaryn utsa, premer-lıgaǵa joldama alady. Birinshi topta úshinshi oryndy ıelengen komanda premer-lıgany onynshy satyda qorytyndylaǵan klýbpen qosymsha matchta taǵy bir joldamany sarapqa salady.
