Fýtbol: Birinshi lıgada «Aqjaıyq» «Qyrandy» 10:2 esebimen utty
ORAL. QazAqparat – Birinshi lıga komandalary arasynda el chempıonatynyń besinshi týrynda Oraldyń «Aqjaıyǵy» «Qyrandy» (Shymkent) qabyldady, dep habarlaıdy QazAqparat tilshisi.
Qazaqstandyq maman Igor Prohnıtskıı jattyqtyratyn oraldyqtar bıyl premer-lıgaǵa oralýdan úmitti bolǵanymen, ótken týrda Astanada «Jeńiske» ese jibergen edi.
Bul joly 8-mınýtta Mıkola Agapov esep ashqanymen, qonaqtardan Edige Oralbaı qatarynan qos goldyń avtory atanyp, komandasyn alǵa shyǵardy. Degenmen 44-mınýtta Zaven Badoıan tarazy basyn teńestirdi. Taım sońynda «Qyrannan» Serikjan Abjal alańnan qýylyp, Evgenıı Kobzar penaltıdi dál oryndady – 3:2.
Ekinshi kezeń «Aqjaıyqtyń» tolyqtaı basymdylyǵymen ótip, Z.Badoıan, M.Agapov, Meıram Sapanov, Eldar Abdrahmanov, Maksım Gladchenko, Arman Smaılov óz múmkindikterin múlt jibermedi. Taǵy bir goldy Azamat Amanbaı óz qaqpasyna soǵyp aldy.
Osylaısha, 10:2 esebimen jeńiske jetken oraldyqtar 5 oıynnan keıin 10 upaı jınap, kósh bastady. Biraq negizgi qarsylastarynyń bir oıyny kem.
«Aqjaıyq» kelesi kezdesýin 10 mamyrda syrt alańda «Akademııa Ońtústik» komandasymen ótkizedi.
Eske sala keteıik, budan buryn «Qaırattyń» fýtboldan Qazaqstan kýboginiń shırek fınalyna joldama alǵanyn jazǵan bolatynbyz.
Sondaı-aq norvegııalyq shabýylshy Erlıng Holand Aǵylshyn chempıonatynda absolıýtti rekord ornatty.
