Fýtbol: Birinshi lıga oıyndary bastaldy
NUR-SULTAN. QazAqparat - Fýtboldan birinshi lıga komandalary arasyndaǵy Qazaqstan chempıonaty jalaýyn kóterdi, dep habarlaıdy QazAqparat tilshisi.
Qazaqstan kásipqoı fýtbol lıgasy dop dodasynyń 1-7 týr oıyndarynyń kúntizbesin jarııalady. Jańa maýsymda komandalar eki konferentsııa boıynsha synǵa túsedi.
Birinshi konferentsııada «Aqtóbe», «Altaı», «Maqtaaral», «Baıqońyr», «Qyran», «Ekibastuz» jáne «Arys» komandalary sheberlik baıqasady. Bul oıyndar Shymkent qalasyndaǵy «Bıik» sport kesheninde ótkiziledi.
Ekinshi konferentsııada «Atyraý», «Aqjaıyq», «Jetisý B», «Qaırat-Jastar», «Akademııa Ońtústik», «Shahter-Bolat» jáne SDıÝSShOR № 8 komandalary oınaıdy. Atalǵan komandalar Almaty oblysy Talǵar qalasynda ornalasqan Qazaqstan fýtbol federatsııasynyń ulttyq quramalar bazasynda jasyl alańǵa shyǵady.
Komandalar alǵashqy týr oıyndaryn ótkizdi. Birinshi konferentsııada «Arys» «Altaıdan» 2:0, «Ekibastuz» «Maqtaraldan» 3:2, «Qyran» «Baıqońyrdan» 3:0 esebimen basym tústi. Al ekinshi konferentsııada «Jetisý B» «Shahter-Bolatty» 4:1, «Akademııa-Ońtústik» «Qaırat-jastardy» 3:1 esebimen tize búktirdi. Búgin «Aqjaıyq» pen SDıÝSShOR № 8 komandalary arasynda oıyn ótedi.
Birinshilik eki aınalymnan turady. Árbir konferentsııa jeńimpazy Premer-lıgaǵa joldama alady.
Budan buryn fýtboldan Premer-lıganyń segizinshi týr oıyndary ótti.
