Fýtbol: Birinshi kezeńde Qazaqstan men Chernogorııa teń túsip jatyr
NUR- SULTAN. QazAqparat - Dál qazir fýtboldan Qazaqstan men Chernogorııa quramalary arasyndaǵy joldastyq kezdesýdiń birinshi kezeńi aıaqtaldy, dep habarlaıdy QazAqparat tilshisi.
Birinshi kezeńde qos quramanyń gol soǵatyn múmkindigi bolǵan edi. Degenmen ony tıimdi paıdalana alǵan joq. Nátıjesinde tablodaǵy esep ózgerissiz qaldy.
FIFA jarııalaǵan sońǵy reıtıngide olar 64-orynda tursa, Qazaqstan quramasy 119-orynda.
Qazaqstan atalǵan qarsylasymen budan buryn úsh márte kezdesti. Úsheýinde de chernogorııalyq fýtbolshylar jeńiske jetti.
Esterińizge sala ketelik, Qazaqstan quramasy endi Ulttar lıgasynda eki oıyn ótkizedi. Aldymen 15 qazanda syrt alańda Albanııamen sheberlik baıqassa, 18 qarashaa óz alańynda Lıtvany qabyldaıdy.
