Fýtbol: Birinshi aınalymnan keıin kósh basynda «Tobyl» tur
ASTANA. Mamyrdyń 21-i. QazAqparat /Ernur Aqanbaı/ - Keshe fýtboldan Premer-lıga komandalary arasynda Qazaqstan chempıonatynyń 11-shi týry ótti.
Bul el birinshiligindegi birinshi aınalymnyń sońǵy oıyny boldy. Osy týrdaǵy ortalyq match Pavlodardyń «Ertis» jáne Qostanaıdyń «Tobyl» komandalary arasyndaǵy ótti. Qos myqty 90 mınýt boıy birin-biri ala almady, esep - 0:0. Alaıda, osy týrda upaı sanyn arttyrý úshin ózderine berilgen múmkindikti bas júldeden úmitker - Aqtóbeniń «Aqtóbe» jáne Qaraǵandynyń «Shahter» komandalary paıdalana almady. «Aqtóbe» syrt alańda «Tarazben» 2:2 esebimen teń oınady, al «Shahter» bolsa qonaqta «Atyraýdan» 1:0 esebimen utylyp qaldy.
Osylaısha, birinshi aınalymnyń nátıjesi boıynsha kósh basynda «Tobyl» tur, qostanaılyqtardyń enshisinde 24 upaı bar. Ekinshi orynda 22 upaımen «Ertis», úshinshi orynda 20 upaımen «Shahter» keledi.
11-shi týrdaǵy qalǵan matchtardyń nátıjeleri mynadaı: «Jetisý»-«Lokomotıv» 1:0, «Qaırat»-«Ordabasy» 1:0, «Oqjetpes»-«Aqjaıyq» 0:1. Ekinshi aınalymnyń oıyndary 12-shi týrmen mamyrdyń 25-de bastalady.
