Fýtbol: Bir-birine judyryq jumsaǵan sportshylar oıynnan shettetildi
NUR-SULTAN. QazAqparat – Oıyn ústinde bir-birine judyryq jumsaǵan fýtbolshylar tártiptik jazaǵa tartyldy, dep habarlaıdy QazAqparat tilshisi Qazaqstan fýtbol federatsııasynyń resmı saıtyna silteme jasap.
Federatsııanyń Baqylaý-tártiptik komıtetiniń otyrysynda «Tobyl» men «Jetisý» komandalarynyń arasyndaǵy oıyn barysy talqylandy. Nátıjesinde qos klýbtyń fýtbolshylary oıynshylary Senın Sebaı men Oljas Kerimjanov bes matchqa shettetildi.
«Oıyn epızodynan tys qarsylasyna fızıkalyq qysym kórsetkeni úshin, tóreshiniń «Jetisý» FK oıynshysy Oljas Kerimjanov pen «Tobyl» FK oıynshysy Senın Sebaıǵa eskertý túrinde bergen tártiptik jazasy bes matchtyq dıskvalıfıkatsııaǵa aýystyryldy. Sheshim QFF tártiptik erejeleriniń 44-baby 1-tarmaǵynyń 4-tarmaqshasyna sáıkes qabyldandy. Dıskvalıfıkatsııa merzimi 2020 jyldyń 12 qazanynda kúshine endi», delingen fýtbol federatsııasynyń resmı saıtynda.
Aıta keteıik, bul match Qazaqstan Premer-lıgasynyń 12-týrynda ótti. Oıyn sońyna taman O.Kerimjanov pen S.Sebaı qaqtyǵysyp qalǵan.
Match 2:0 esebimen «Tobyldyń» jeńisimen aıaqtaldy.
