Fýtbol: Besinshi týrdan keıin «Jetisý» men «Aqtóbe» kósh bastady
ASTANA. 5 sáýir. QazAqparat /Marlan Jıembaı/ - Keshe ótken fýtboldan Premer-lıga komandalary arasyndaǵy Qazaqstan chempıonatynyń besinshi týrynan keıin 12 upaıdan jınaǵan
Taldyqorǵannyń «Jetisý» jáne Aqtóbeniń «Aqtóbe» komandalary tıisinshe týrnır kestesiniń 1-shi jáne 2-shi oryndaryna jaıǵasyp, kósh bastady.
Besinshi týrda «Jetisý» syrt alańda «Tarazdy» 1:0 esebimen jeńdi. Al «Aqtóbe» bolsa Shymkenttiń «Ordabasy» klýbyn qabyldap, 2:1 esebimen basym tústi. 3-shi jáne 4-shi oryndarda Qaraǵandynyń «Shahter» jáne Astananyń «Lokomotıv» komandalary tur. Besinshi týrda bul komandalar Qaraǵandyda ózara kezdesip, 0:0 esebimen teń tarqasty. Bul týrdaǵy qalǵan kezdesýlerdiń nátıjeleri mynadaı: «Qaısar»-«Atyraý» 1:0, ««Vostok»-«Tobyl» 2:2, «Qaırat»-«Ertis» 1:3.
Altynshy týrdyń oıyndary 9 sáýirde ótedi.
