Fýtbol: Belarýs quramasynyń shabýylshysy «Aqjaıyqqa» alyndy
ORAL. QazAqparat – Belarýs quramasynyń shabýylshysy Anton Soroka premer-lıgada óner kórsetetin «Aqjaıyqqa» alyndy, dep habarlaıdy QazAqparat tilshisi.
«Aqjaıyq» fýtbol klýbynyń baspasóz qyzmeti málim etkenindeı, oıynshymen kelisimshartqa qol qoıyldy.
Budan buryn 29 jastaǵy fýtbolshy Reseı premer-lıgasynda «Rýbın» (Qazan), sondaı-aq belorýssııalyq BATE, «Gorodeıa», «Neman» jáne belgııalyq «Sportıng Lokeren» klýbynda dop tepti.
«Aqjaıyq» sonymen qatar grýzııalyq shabýylshy Lýka Imnadzemen kelisimshartty uzartty. Ótken jyldyń shildesinde oraldyqtar sapyna qosylǵan ol komanda quramynda 13 match ótkizip, eki goldyń avtory atandy.
Qazirgi kezde Túrkııada oqý-jattyǵý jıynyn ótkizip jatqan oraldyq klýb 5 aqpan kúni bosnııalyq «Velejben» joldastyq kezdesý ótkizip, tartysty matchta 2:3 esebimen ese jiberdi. Bul oıynda «Aqjaıyqtan» Artýr Gazdanov pen Sergeı Shýstıkov mergendik tanytty.
Eske sala keteıik, budan buryn eki sheteldik oıynshynyń «Aqjaıyqtyń» qataryn tolyqtyrǵanyn jazǵan bolatynbyz.
