Fýtbol bazary: Symaqov pen Lorııa Qaıratqa aýysty

«Ańyz oıynshylardyń aıqasy»- osyǵan deıin de bolǵan, aladoptyń sheberleri aman bolsa áli talaı kóretin bolamyz. Ásirese «Real» jylda qarttardyń basyn qosyp, ár klýbtyń ańyzdarymen dop tebedi. «Realdyń» qarttary ázirge jeńilgen joq. Bıyl «koroldik klýbtyń» ańyzdary «ıÝventýstiń» qarttarymen jolyqty. Bir qyzyǵy «ıÝventýsta» júrip «altyn dopty» alǵan, «Realda» baqytty shaǵyn ótkizgen Zıdan úshin bul eń áserli kezdesý boldy. «Altyn dopty» alǵan alǵashqy musylman Zıdan eki klýbtyń sapynda oınady. Jastyq jalyny kelip, ekinshi tynysy ashylǵandaı. Alǵashqy mınýttardan bastap «Real» sapynda oınady. 74 mınýtta «Real» sapyndaǵy Santılıanaǵa alańdaǵy ornyn bosatyp, «koroldik klýbtyń» jeıdesin sheship, 77 mınýtta kózáınekti ańyz Davıdstiń ornyna shyǵyp «ıÝventýs» klýbynyń namysyn qorǵady. Keshegi «Real» komandasynyń úzdikteri Fıgý,Karlostar «ıÝventýstyń qataryndaǵy Nedved, Davıds syndy kil myqtylardyń oıynyn tamashalaǵan jurtshylyqtyń qatary kóp boldy.
«REAL» (Ispanııa) - «ıÝVENTÝS» (Italııa) 2:1 (1:0).
Goldar: Fıgý 6 (1:0), Montero 62 (1:1), Ivan Peres 67 (2:1).

«Real» komandasynyń quramy:Býıo (Illgner 29), Chendo (Velasko 29; Rohas 55), Roberto Karlos (Sabıdo 71), Ierro (Býtrageno 66), Redondo (Martın Vaskes 71), Zıdan (Santılıana 74), Fıgý (Ivan Peres 66), Elgera (Pavon 27), Amavıska (Kannavaro 40), Morentes (Karambe 40), Sans (Danı 40).

«ıÝventýs» komandasynyń quramy: Takkonı (Perýtstsı 40), Torrıchellı (Týdor 48), Ferrara, Kannavaro (Porını 40), Montero, Bırındellı (Massımo Maýro), Salıhamıdjıch (ıÝgovıch 17, Djannıkkeda 40), Paýlo Soýza (Mırkovıch 48), Davıds (Zıdan 77), Nedved, Ravanellı (Amorýzo 33).

«Monako» klýbynan kúndelikti bir jańalyq. Úzdikterge kózin súzip qarap júrgen komanda basshylyqtarynyń nysanasyna endi Krıshtıaný Ronaldý ilikti. Reseı qojaıyny Dmıtrıı Rybalovlev klýbqa molynan qarjy quıý ústinde. Ronaldýǵa usynys tastady. Jalaqysy 23 mıllıon eýro bolady. Al «koroldik klýbta» Ronaldý 20 mıllıon eýro alyp júr.

«Real» klýby shabýylshy qarastyryp jatyr. Áýeli Kavanı. Egerde «Napolı» komandasynyń basshylyǵymen ortaq kelisimge kelmese, onda mıýnhendik «Bavarııanyń» shabýylshysy Marıo Gomesti qatarǵa qosýdy kózdep otyr.

«Lıverpýl» klýby «Sevılıa» komandasynyń jas oıynshysy Lýıs Albertoǵa usynys tastady. «Qyzyldar» Alberto úshin 5 mıllıon fýnt bere alady. Al «Sevılıa» komandasynyń basshylyǵy 8 mıllıon surap otyr.

Stefan Ál-Shaaravı bıylǵy aýysym barysynda eshqaı klýbqa aýyspaıdy. Bul týraly «Mılan» komandasynyń vıtse-prezıdenti Adrıano Gallıanı málimdedi. «Manchester Sıtı» Ál-Shaaravı úshin baryn bermek. Biraq Shaaravı kelesi aýysym barysynda aýyspasa, ázir aýysa qoımaıdy.

«PSJ» komandasynyń qazirgi tańdaǵy bapkeri Karlo Anchelottı ǵaıyptan-taıyp «Real» klýbynyń tutqasyn ustaı qalǵan jaǵdaıda «PSJ» komandasyna jańa bapker qajet bolady. Ony frantsııalyq klýbtyń basshylyǵy qazirden-aq qolǵa alǵan syńaıly. Olar gollandııalyq Gýs Hıddınkpen kelisimge kelip kórmek.

«Real» komandasynyń sońǵy oıyndarynda negizgi qaqpashynyń qyzmetin atqarǵan Dıego Lopes klýbta qalatyn boldy. Iker Kasılıastyń aýyr jaraqatyna baılanysty kóp kezdesýlerde negizgi quramda alańǵa shyǵyp júrdi. Al Kasılıas qatarǵa qosylsa, Lopes qosalqy qaqpashy bolady. Osyǵan deıin qosalqy qaqpashy bolyp kelgen Antonıo Adan komandamen qosh aıtyspaq. Klýbtan ketý týraly Adan ózi ótinish bildirgen.

«Borýssııa» klýbynyń nátıjeli shabýylshysy Robert Levandovskı eshqaı klýbqa barmaıdy, tipti «Bavarııaǵa da». Bul týraly «Borýssııa» klýbynyń prezıdenti ózi málimet taratty. Onyń aıtýynsha Levandovskı «Borýssııada» áli talaı ýaqyt oınaıdy.

Gonsalo Igýaın «ıÝventýs» klýbynyń oıynshysy bolyp qalýy bek múmkin. «Aq-qara jolaqtylardyń» dırektory Marotta jaqyn kúnderi kelisimge keletinderi jaıly da aıtyp qaldy. Argentınalyq shabýylshy «koroldik klbýqa» jańa bapker kelisimen ketedi degen aqparatty jarııalanyp úlgerdi.

Fýtbol bazaryndaǵy eń iri tutynýshylardyń biri - «Napolı» klýby. Neapoldikterdiń basqa klýbtardan qalys qalǵysy kelmeıdi. Rafael Benıtes baptaıtyn komandaǵa qorǵaýshy qajet. Kerek kezinde gol salyp, der kezinde pas berip, tas qamal qorǵanys ornata biletin qorǵaýshyny tapqan sekildi. Usynys tastady. «Valensııanyń» qorǵaýshysy Ádil Ramımen kelissóz júrgizip jatyr. Ramıge berilgen soma 12,5 mıllıon eýro.

«Ordabasy» fýtbol klýbynyń negizgi oıynshylarynyń biri Artem Kasıanov klýbtan eshqaıda ketpeıtin boldy. Komandanyń bas bapkeri V.Pasýlkonyń aıtýynsha, «Kasıanov kerek oıynshy, komandany premer-lıgada saqtap qalý úshin Kasıanov sııaqty fýtbolshylar qajet».

Joze Moýrınıý «Chelsı» komandasynyń tizginin ustaı sala, alysqa kóz tastap, kerek oıynshylardy qarastyryp, komandany jańartpaq. Moýrınıýdiń kerek dep tapqan oıynshylarynyń biri - «Shalke» klýbynyń fýtbolshysy ıÝlıan Draksler. 19 jastaǵy oıynshydan úmit kútken Moýrınıý qarjyny da aıap qalmaǵan sııaqty. Drakslerdiń alǵashqy somasy 45 mıllıon eýro. Biraq bul «Chelsı» úshin úırenip qalǵan soma.

«Galatasaraıdyń» «Qyzyl soıqandar» qataryndaǵy Nanıdi qataryna qosyp alý úshin bolǵan alǵashqy qadamy sátsiz aıaqtaldy. 7 mıllıon eýrony azsynǵan «Manchester ıÝnaıted» oıyndy uıymdastyrýshy fýtbolshy úshin 10 mıllıon surap otyr. Endi «Galatasaraı» klýbynyń basshylyǵy bas tartty. Bul bir qyzyq jaǵdaı boldy.

«Arsenal» bos agent etip qaldyrǵan reseılik Andreı Arshavındi qataryna qosyp alýshylardyń qatary bar. Burynǵy klýby «Zenıt» birinshi bolyp qadam jasady. Qazirde Arshavındi óziniń sapynda oınatý úshin kelissózder júrip jatyr.

«Seltık» klýbynyń jartylaı qorǵaýshysy Vıktor Vanıama jergilikti bir telearnalarǵa bergen suhbatynda: «aǵylshyn alańynda oınaǵym keledi. Bıikten kórinýdi qalaımyn»,-depti. 21 jastaǵy oıynshy úshin qazirde aǵylshyndyq klýbtardan qyzyǵýshylyq bar.

«Lıverpýl» klýby «Napolıge» qorǵaýshy Martın Shkrteldi berýge asyǵar emes. «Napolı» «Lıverpýl» klýbyna Shkrtel úshin 15 mıllıon eýro usynǵan bolatyn. Biraq «qyzyldar» bul qarjyǵa ılanar emes.

Almatynyń «Qaırat» komandasy Samat Symaqov jáne Davıd Lorııany óz qatarlaryna aldy. Klýb 11 maýsym kúni Almatyda oıynshylarmen resmı kelisim-shartqa qol qoıady.