Fýtbol bazary: Beıl «Realǵa» bara ma?
ASTANA. 30 jeltoqsan. QazAqparat - Nemisterdiń Bild aqparattyq agenttigi dortmýndtyq «Borýssııanyń» shabýylshysy Robert Levandovskı jazǵy aýysym barysynda «Manchester ıÝnaıted» klýbyna aýysyp keledi degen habar taratty. Robert úshin «qyzyl soıqandar» 22 mıllıon eýro berýge ázir ekendigin de jetkizgen, dep habarlaıdy «Alaman» agenttiginen.
Levandovskı «Manchester ıÝnaıted» klýbymen bes jyldyq kelisimshartqa otyrmaq. «Borýssııamen» aradaǵy kelisimniń de shegi jetkendigin málimdegen. Ol endi óziniń buryńǵy áriptesi Sındzı Kagavamen qaıta tize qosyp oınamaq. Eske sala keteıik Levandovskıdi «Borýssııa» 2010 jyly «Leh» komandasynan 4,5 mıllıon eýroǵa satyp alǵan bolatyn.
«Fenerbahche» fýtbol klýbynyń bas bapkeri Aıkıýt Kodjaman jańa aýysym barysynda aǵylshynnyń bazarynan saýda júrgizbek. Osyǵan deıin «aqsúıekterdiń» sapyndaǵy Mıroslav Stoh pen Raýl Meıreleshti óz quramyna qosqandyǵyn jaqsy bilemiz. Endigi bapkerdiń nysanasyna ilikken oıynshy ol «Chelsı» sapyndaǵy Marko Marın bolyp otyr.
«Nemisterdiń Messıi» degen laqap atqa ıe bolǵan Marın «Chelsı» sapynda Aǵylyshyn Premer lıgasynyń oıyndarynda tek 2 márte alańǵa shyqqan. Marın úshin túrikterdiń komandasy 7 mıllıon eýro beretindikterin jetkizgen. Al «Chelsı» bul oıynshy úshin 9 mıllıon eýro surap otyr. Túrikter jartylaı qorǵaýshyny ýaqytsha bolsyn alýǵa daıyn ekendikterin habarlaǵan.
«Syrty bútin, ishi tútin» bolyp jatqan koroldik klýb ta jańa oıynshymen komandasyn tolyqtyrmaq. «Real» aǵylshyndyq «Tottenhem» fýtbol klýbymen kelissóz júrgizip jatyr. Bul týraly Marca basylymy habarlady. Madrıdtik klýb tipti ázirden kelisimge kelgen desedi. Kelisimniń basty qaharmany Garet Beıl bolyp otyr. «Tottenhem» bolsa Beıldi satyp alýshylarǵa qymbat baǵa usynsa da basqasy teris aınalsa da «Real» alýǵa daıyn. Alǵashqy kelisilgen soma 50-60 mıllıon fýnttyń aınalasy.
The Daily Mail-dyń bergen aqparatyna súıensek «Arsenal» fýtbol klýby «Manchestr ıÝnaıted» qataryndaǵy Lýısh Nanıdi satyp alýǵa nıetti. «Qyzyl soıqandar» bolsa Nanıdi 20 mıllıon eýroǵa bosatýǵa ázir. Bul baǵa ázirge «Arsenaldy» qatty oılandyrý ústinde.
Falkao «Granadaǵa» aýysty degen aqpar tarap ketti. Jankúıerler «esi durys adam «Granadada» oınaı ma? «Real», «Barselona» turǵanda»-dep talqyǵa salyp jatyr. Osy týrasynda «Atletıko» fýtbol klýbynyń shabýylshysy Radamel Falkao baspasóz aqparat quraldaryna arnaıy suhbat berdi. Ázirge «Chelsı» jáne de «Manchester Sıtıdiń» usynystarynan bas tartqandyǵyn oǵan qosa «Atletıko» klýbynyń prezıdenti Enrıke Serezonyń klýbta qalý úshin barlyq sharalardy istep jatqandyǵyn málimdegen. Eń bastysy Falkao osy maýsymdy tolyqtaı «Ateltıko» sapynda ótkizetindigin jetkizgen.
«Arsenal» fýtbol klýbynyń maqtanyshy, mártebesin asyryp, abyroıyn tasytqan oıynshy bolsa ol Anrı. Arsen Vengerdiń súıikti shákirti Anrı qazirde «Arsenal» sapynda jattyǵý ótkizip júr degen aqparat tarady. Osy turasynda Venger bapkerdiń ózi Anrıdi ýaqytsha «Arsenal» sapyna alatyn bolamyn. Anrı buǵan laıyq dep málimdegen. Tipti jaqsy oıyn kórsetip jatsa «Arsenaldyń» quramynda fýtboldyq jolyn aıaqtaıtyn bolady degeni de bar.
