Fýtbol bazary bastaldy
ASTANA. 2 qańtar. QazAqparat - Búgin fýtbolda transfer terezesi ashyldy. Alǵashqy kúnnen bastap fýtbol klýbtary jańa oıynshymen tolyǵa bastady.
Londondyq «Chelsı» komandasy Býrkıno-Faso quramasynyń 18 jastaǵy oıynshysy Bertran Traoremen 4,5 jyldyq kelisimshartqa otyrdy. Bul týraly klýbtyń resmı saıty habarlap otyr.
Traore 16 jasynda Býrkına-Faso ulttyq quramasynyń sapynda óner kórsetken. Osy jazda jas fýtbolshy «Chelsıdiń» Azııadaǵy oqý-jattyǵýynda bapkerler kóńilinen shyqqan edi.
Krasnodarlyq «Kýban» shabýylshysy Djıbrıl Sısse frantsýzdyń «Bastııa» komandasynyń sapyn tolyqtyrdy. 32 jastaǵy fýtbolshy búgin klýbtyń medtsınalyq tekserisinen ótedi.
Reseılik «Kýban» sapynda óner kórsetken Sısse 25 kezdesý ótkizip, 5 ret qarsylas qaqpasyn dál kózdedi. Ol osyǵan deıin «Oser», «Lıverpýl», «Marsel», «Sanderlend», «Panatınaıkos», «Latsıo» jáne «KPR» komandalarynda oınaǵan, dep jazady massaget.kz.
