Fýtbol: «Bavarııa» Eýropa chempıondary lıgasynyń fınalyna shyqty
ASTANA. Sáýirdiń 28-i. QazAqparat /Ernur Aqanbaı/ - Germanııanyń «Bavarııa» komandasy araǵa toǵyz jyl salyp fýtboldan Eýropa chempıondary lıgasynyń fınalyna shyqty. Keshegi qarymta matchta «Bavarııa» syrt alańda Frantsııanyń «Lıon» klýbyn 3:0 esebimen jeńdi. Úsh goldy da shabýylshy - Olıch soqty,
dep habarlaıdy QazAqparat.
Budan bir apta buryn Mıýnhende ótken birinshi oıynda da «Bavarııa» jeńiske jetken bolatyn. Esep 1:0. Osylaısha eki matchtyń nátıjesi boıynsha aıqyn basymdylyq tanytqan nemis klýby fınalǵa shyqty. Onyń qarsylasy búgin Ispanııanyń «Barselona» jáne Italııanyń «Inter» komandalary arasynda bolatyn oıynda anyqtalady. Mılanda ótken birinshi oıynda 3:1 esebimen «Inter» jeńiske jetken bolatyn.
