Fýtbol: Baýyrjan Islamhannyń ornyn Davıd Lorııa basady
ASTANA. QazAqparat - 1 qyrkúıekte Qazaqstan ulttyq qurama komandasy «Astana Arena» stadıonynda Chernogorııa quramasymen kezdesedi, dep habarlaıdy Habar 24.
Reseıde ótetin 2018 jylǵy álem chempıonatynyń irikteý oıyny keshki saǵat 22:00-de bastalmaq. Bul joly qyzyl qaǵaz alǵany úshin alańǵa shyǵý quqyǵynan aıyrylǵan Baýyrjan Islamhannyń ornyna kapıtan bolyp, qaqpashy Davıd Lorııa shyqpaqshy. Sonymen qatar qurama komanda bas bapkeri Aleksandr Borodıýk baspasóz máslıhatynda ótken jylǵy oıynnyń qateligin qaıtalamaýǵa tyrysamyz dep ýáde berdi.
«Chernogorııada ótken alǵashqy oıynda Qazaqstan quramasy 5:0 esebimen jeńilgen edi. Ol oıynda kóptegen qatelik boldy. Standarttyq jaǵdaılardyń kóbisinde qorǵaýshylar ne isteý kerek ekenin bilmedi. Endi erteń sol qatelikterdi jasamaýǵa tyrysamyz. Soǵan baılanysty kóptegen jattyǵý ótkizip jatyrmyz», - dedi Qazaqstan ulttyq quramasynyń bas bapkeri Aleksandr Borodıýk.
