Fýtbol: Baýyrjan Islamhandy «Astana» komandasy jalǵa aldy
ASTANA. 15 maýsym. QazAqparat - Reseılik «Kýban» komandasynyń oıynshysy Baýyrjan Islamhan maýsym sońyna deıin «Astana» klýbynda oınaıdy. Elordalyq komanda Islamhandy «Kýbannan» jalǵa aldy. Bul týraly «Astana» komandasynyń baspasóz qyzmetine silteme jasap «Alaman» habarlady.
Islamhannyń komandaǵa kelýine Mıroslav Beranek sebep bolǵan. Eki klýb oıynshyny jalǵa alý jaǵynan kelisim júrgizip, birden naqty sheshimge kelipti. Qazir fýtbolshy «Astana» komandasynyń sapynda. Jáne jaqyn kúnderi ol jattyǵý jumystaryna kirisedi.
«Men «Astanada» maýsym sońyna deıin ǵana oınaımyn. Keıin «Kýban» sapyna qaıta oralamyn», - dedi fýtbolshynyń ózi «Astananyń» resmı saıtynda.
