Fýtbol: Bas júlde taǵdyry aldaǵy úsh týrda sheshiledi

Fýtboldan Premer-lıga komandalary arasyndaǵy Qazaqstan birinshiliginiń keıinge qaldyrylǵan 15 jáne 18-týr oıyndary ótkizildi, dep habarlaıdy QazAqparat tilshisi.

"Qyzyljar» (Petropavl) men «Tobyl» (Qostanaı) komandalary 15-týrdyń keıinge qaldyrylǵan oıynynda 1:1 esebine qanaǵat bildirdi.

Al elordalyq «Astana» óz alańynda Kókshetaýdyń «Oqjetpesin» 5:2 esebimen qapy qaldyrdy.
Sondaı-aq, Shymkenttiń «Ordabasy» klýby óz alańynda Túrkistan oblysynyń «Maqtaralyn» 1:0 esebimen súrindirdi.

Qazir týrnır kestesinde «Ordabasy» 52, «Astana» 49 upaı jınap, bir-birimen qatarlas tur. Bas júlde taǵdyry osy eki komanda arasynda aldaǵy úsh týrda sheshilýi múmkin.

Endi 24-týr oıyndary 30 qyrkúıek pen 1 qazan aralyǵynda ótkiziledi.

Eske salsaq, budan buryn Qazaqstan quramasy Danııa jáne Fınlıandııamen oınaıtyn fýtbolshylar tizimin jarııalady.