FÝTBOL: «Barys» - chempıon
ALMATY. QaAqparat - Almaty oblystyq №1 balalar úıiniń komandasy Fýtboldan jetim balalar arasynda ótken «Armanyńa jaqynda» atty ІІ Respýblıkalyq chempıonattyń jeńimpazy atandy.
Almaty qalasyndaǵy Ortalyq stadıonnyń qosymsha alańynda ótken fınalda Almatydaǵy «Almaty oblystyq balalar úıiniń» «Barys» komandasy Jambyl oblysynyń Merki qalasyndaǵy Savva atyndaǵy mektep-ınternattyń «Suńqar» komandasymen kezdesti. Asa tartysty ótken matchta «Barys» komandasy qarsylastaryn 5:1 esebimen jeńip, chempıonattyń kýbogyn enshiledi.
«Endi olar aldaǵy tamyz aıynda Italııanyń Mılan qalasyna jol tartady. Jeti kúnge sozylatyn saıahat barysynda balalar, Mılan qalasyn aralaıdy, murajaılarda bolady, demalady. Jáne aty álemge áıgili «MILAN» fýtbol klýbynyń oıynshylary Kaka jáne Balotellımen kezdesedi» - dedi óz sózinde Baýyrjan qaıyrymdylyq qorynyń negizin qalaýshy, «Nur Otan» partııasy saıası keńesiniń múshesi Juldyz Omarbekova.
«Týrnırdi uıymdastyrý ıdeıasy osydan úsh buryn týyndady. Bir kúni qordyń qyzmetkerleri, barlyǵymyz jańalyqtar qarap otyrǵan edik, Reseıde fýtboldan osyndaı týrnırdiń ótip jatqandyǵyn kórdik. «Bolashaq búginnen bastalady» - dep atalady eken. Sondaǵy balalardyń qýanyshty sátteri bizge qatty áser etti. Nege bizdiń balalardy osylaısha qýantpasqa? Nege bizdiń jetim balalar shet elge barmaıdy? - degen oıǵa keldik. Sodan táýekelge bel býyp, iske kiristik. Bir jyl boıy daıyndaldyq. Sabylyp demeýshiler izdedik. Sóıtip byltyr alǵashqy týrnırdi ótkizdik. Onda Aqmola oblysynyń Esil qalasyndaǵy balalar úıiniń komandasy jeńiske jetti. Demeýshilerdiń arqasynda olar bir aptaǵa Ispanııanyń Barselona qalasyna baryp, demalyp qaıtty» - deıdi Juldyz Omarbekova
Búgingi týrnırde birinshi, ekinshi jáne úshinshi oryn alǵan komandalarǵa estelik dıplomdar men baǵaly syılyqtar tabys etildi.
«Barys» komandasynyń fýtbolshysy Amangeldi Husaıynov chempıonattyń úzdik oıynshysy atandy.
Aıta keteıik, «Armańyna jaqynda» týrnıri - bul jetim balalar men ata-anasynyń qamqorlyǵynsyz qalǵan balalar arasynda fýtboldan ótetin respýblıkalyq chempıonat. Bul jobanyń jeńimpazdary halyqaralyq deńgeıde oıyn kórsetip júrgen álemdik fýtbol klýbtarynyń tynys-tirshiligimen jaqynyraq tanysý múmkindigine ıe bolady. Ótken jyly chempıon atanǵan Aqmola oblysyndaǵy «Esil balalar úıiniń» tárbıelenýshileri Barselonaǵa sapar shekken bolatyn.
Chempıonatqa balalar úıleriniń 11 men 14 jas aralyǵyndaǵy túlekteri qatysady. Bıylǵy jarysqa Qazaqstannyń túkpir-túkpirinen 20 komanda baq synady, fınaldyq kezeńge óz aımaǵynda úzdik atanǵan 8 komanda joldama aldy. Almaty qalasynda ótken jarys tórt kúnge sozyldy.
Baýyrjan qaıyrymdylyq qory osymen ekinshi jyl qatarynan uıymdastyrǵan bul týrnırge "Nur Otan" HDP, QR BǴM bala quqyǵyn qorǵaý komıteti, Qazaqstan Fýtbol federatsııasy, "ZHERSU" korporatsııasy, «PetroKazahstan», «Capital Partners» jáne basqa da kompanııalar qoldaý kórsetti.
