Fýtbol: «Barselona» túlegi «Qaıratqa» aýysty
NUR-SULTAN. QazAqparat – Ispanııalyq «Barselona» túlegi, kamerýndyq qorǵaýshy Makı Banıak «Qaıratqa» alyndy, dep habarlaıdy QazAqparat tilshisi.
«Qaırat» fýtbol klýby málim etkendeı, M.Banıakpen 2023 jyldyń jeltoqsanyna deıingi merzimge kelisimshartqa qol qoıyldy.
Makı Frank Banıak Mýenı 1995 jyly 7 maýsymda ıAýndede (Kamerýn) dúnıege kelgen.
Ortalyq qorǵaýshy. Sporttyq jolyn 2012 jyly «Barselona B» quramynda bastap,
katalonııalyq klýbtyń júıesinde 8 jyl boldy, 2016 jyldan «Nant», «Saragosa», aýstrııalyq «Admıra» komandasynda dop tepti.
2018 jyly slovenııalyq «Olımpııa» (Lıýblıana) klýbyna aýysyp, onda eki maýsym boıy oınady.
Sodan keıin «Partızan» (Belgrad) klýbymen kelisimshartqa qol qoıdy.
M.Banıak barlyǵy 139 matchta 3 gol soqty. Kamerýn quramasy sapynda 4 kezdesý ótkizdi.
Eske sala keteıik, budan buryn «Aqjaıyqtyń» Qazaqstan kýbogynda óz tobynda kósh
bastaǵanyn jazǵan bolatynbyz.
