Fýtbol: Atyraýlyqtardyń Túrkııadaǵy alǵashqy sparrıngtik qarsylasy - Qytaıdyń «Dalıan Shıde» komandasy
ALMATY. 16 qańtar. QazAqparat - Búgin Túrkııanyń Antalııa qalasynda chernogorııalyq Mıodrag Radýlovıch jattyqtyratyn «Atyraý» fýtbol klýby alǵashqy sparrıngtik kezdesýin ótkizedi.
Olardyń qarsylasy Qytaı Sýperlıgasynda óner kórsetetin Dalıan qalasynyń «Dalıan Shıde» komandasy bolmaq. Ótken maýsymda 14-shi oryn alǵan bul komanda Qytaı chempıonatynda kásibı deńgeıde 1994 jyldan beri óner kórsetedi. Osy ýaqytqa deıin 8 dúrkin (1994, 1996-1998, 2000-2002, 2005) el chempıony, 2 dúrkin (2001, 2005 ) el kýbogynyń ıegeri atanyp, 3 ret (1999. 2003, 2006) fınalıst jáne bir ret (2001) Azııanyń klýbtyq chempıonatynyń fınalısi boldy. Ótken jyly komanda quramynda Bolgarııa, Brazılııa, Zambııa, Portýgalııa, Koreıa eliniń 5 legıoneri óner kórsetken edi.
Bul atyraýlyqtardyń Túrkııadaǵy alǵashqy oqý-jattyǵý jıynynda josparlanyp otyrǵan 4 sparrıngtik kezdesýiniń birinshisi bolmaq. Budan keıin olar 20, 23, 27 kúnderi 3 kezdesý ótkizip, 29-ynda jıynyn aıaqtamaq. Oǵan komandanyń negizgi quramnan Sergeı Boıchenko, Vladımır Plotnıkov, Nurbolat Qalmenov, Sergeı Kýtsov, Boıan Trkýlıa, Valentın Chýreev, Dorde Týtorıch, Lýıs Sandro, Evgenıı Ovshınov, Nıkolaı Saraev, Taras Danılıýk, Nıkola Mılankovıch, Denıs Rodıonov, Artem Fomın, Sergeı Shaff, Aıbar Nurybekov, Lorenso Faýsto qatysýda. Bas bapker sondaı-aq, ózge komandalardan Murat Súımaǵambetov (Taraz), Madııar Momynov (Tsesna), Roman Poholıýk (Ordabasy), Anatolıı Malkov (Qaısar), Alekseı Shakın (Vostok), Beıbit Tátishev (Baıterek), Aslan Darabaev (Aqtobe), Azız Asanov (Іle Sáýlet), Valerıı Mıller (Qyzyljar), Denıs Prokopenko (Astana) jáne Abzal Jumabaev pen Konstantın Bagramıandi jáne qosalqy quramnan Raıymbek Qaýanov, Dáýren Kaıyralıev, Asylbek Seıitqalıev, Azamat Іzbasarov, Nursultan Mádıev pen Alekseı Rodıonovty qosyp otyr.
