Fýtbol: «Atyraý» óz alańynda «Shahterden» basym tústi
ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 9-týrynda «Atyraý» óz alańynda «Shahterden» basym tústi, dep habarlaıdy QazAqparat.
Atyraýlyq klýb sońǵy úsh týrda jaqsy oıyn órnegin kórsetip keledi. Eki márte jeńiske jetip, bir márte teń oınady. Nátıjesinde týrnır kestesindegi jaǵdaıyn jaqsartyp aldy.
Búgingi kezdesýde qaraǵandylyq klýbtan Tımýr Chogadze 16-mınýtta esep ashty. Oǵan «Atyraý» sapynan Ngýgngýsı Effıong 23-mınýtta bir golmen jaýap qaıyrdy.
Oıynnyń 64-mınýtynda alań ıeleri sapynan Oralhan Ómirtaev jeńis golyn soǵyp ketti.
Osylaısha «Atyraý» qarsylasynan 2:1 esebimen basym tústi.
Dál qazir «Maqtaral» (Túrkistan oblysy) men «Ordabasy» (Shymkent) sheberlik baıqasyp jatyr. Ázirge 4-mınýtta Ashat Taǵybergen soqqan jalǵyz golmen «Ordabasy» komandasy 1:0 esebimen jeńýde.
Sondaı-aq, 14 mamyrda «Oqjetpes» (Kókshetaý) pen «Astana» oınasa, «Qaırat» (Almaty) pen «Aqtóbe», «Qaısar» (Qyzylorda) men «Tobyl» (Qostanaı) komandalary oınaıdy.
Al buǵan deıin Pavlodar oblysynyń «Aqsýy» Aqtaýdyń «Kaspııine» 0:1 esebimen jol berse, dál sondaı eseppen Petropavldyń «Qyzyljary» óz alańynda Taldyqorǵannyń «Jetisýyn» tize búktirdi.
