Fýtbol: «Atyraý» men «Astana» teń tústi

ASTANA. QazAqparat - Fýtboldan Premer-lıga komandalary arasyndaǵy el birinshiliginiń 11-týrynda «Atyraý» men «Astana» matchynyń nátıjesi belgili boldy, dep habarlaıdy QazAqparat tilshisi.

Elordalyq klýb bıyl týrnır kestesinde jeke-dara kósh bastap keledi.

Al atyraýlyq komanda sońǵy tórt kezdesýdiń úsheýinde jeńiske jetti. Nátıjesinde týrnır kestesinde aldyńǵy altylyqqa ornyqty.

Oıynnyń birinshi kezeńinde esep ashylǵan joq. Komandalar bir-biriniń qaqpasyna shabýyl uıymdastyrdy. Soǵan qaramastan tablodaǵy esepke ózgeris engen joq.

Kezdesýde 0:0 esebi tirkeldi.

Aıta ketsek, atyraýlyq klýb atalǵan qarsylasyn 2016 jyldan beri jeńe almaı keledi.

Eske salaıyq, 27 mamyrda «Maqtaral» «Qaıratty» 3:1, «Aqsý» «Jetisýdy» 2:1 esebimen tize búktirse, «Kaspıı» men «Shahter» kezdesýinde 1:1 esebimen teń tústi.

Al syrt alańda «Tobyl» «Oqjetpesti» - 2:1, «Ordabasy» «Qyzyljardy» 1:0 esebimen súrindirdi.

Endi búgin, 28 mamyrda «Qaısar» (Qyzylorda) men «Aqtóbe» jasyl alańǵa shyǵady.