Fýtbol: «Atyraý» komandasynyń bas bapkeri qyzmetinen ketti
NUR-SULTAN. QazAqparat - «Atyraý» komandasynyń bas bapkeri, reseılik maman Vıktor Kýmykov qyzmetinen ketti, dep habarlaıdy QazAqparat tilshisi.
«Atyraý» fýtbol klýbynan túsken málimetke qaraǵanda, bas bapkerlik mindetin ýaqytsha Qýanysh Qabdolov atqarady.
Klýb basshylyǵy Vıktor Balıýtovıchke atqarǵan jumysy úshin alǵysyn bildirip, onyń ornyna jańa bapker izdestirilip jatqanyn jetkizdi.
Osylaısha V.Kýmykov bıylǵy maýsymda premer-lıga komandalary arasynda birinshi bolyp ornyn bosatyp otyr.
Búgin Taldyqorǵanda «Jetisý» komandasymen 0:0 esebimen teń oınaǵan atyraýlyqtar 5 upaımen týrnır kestesinde nebári onynshy orynda keledi. Sońǵy segiz oıynda komanda alty ret jeńiliske ushyrap, eki márte ǵana teń tústi. Bul, árıne, kóńil kónshiterlikteı nátıje emes.
Eske sala keteıik, budan buryn birinshi lıgada óner kórsetetin «Aqjaıyqtyń» bas bapkeri qyzmetinen ketken bolatyn. Oraldyqtar erteń Petropavlda ózi sııaqty ótken jyly premer-lıgadan túsip qalǵan «Qyzyljar» komandasymen mańyzdy kezdesýleriniń birin ótkizedi.
