Fýtbol: «Atyraý» komandasyna jańa bas bapker keldi
NUR-SULTAN. QazAqparat - «Atyraý» komandasyna jańa bas bapker keldi. Endi atalmysh qyzmetti belarýstik Oleg Dýlýb atqaratyn boldy, dep habarlaıdy QazAqparat tilshisi.
Oleg Dýlýb 1965 jyly dúnıege kelgen. 1983-2001 jyldar aralyǵynda fýtbol oınap, Belarýs, Polsha, Reseı, Chehııa, Latvııa, Qytaı, Fınlıandııa elderiniń birinshiliginde dop tepti. 2001 jyldan beri bapkerlikpen aınalysady. Búgingi kúnge deıin Belarýstiń «Mınsk», «Gomel», «Dınamo», «Krýmkachy», BATE, ýkraınalyq «Karpaty» jáne «Chernomorets» komandalaryna jetekshilik jasady. 2012-2014 jyldarda ózi bapkerlik jasaǵan komandalarmen Eýropa lıgasy oıyndaryna qatysty. Sońǵy atqarǵan qyzmeti - Belarýstiń 19 jasqa deıingi jasóspirimder quramasy.
Esterińizge sala ketelik, 27 sáýir kúni «Atyraý» komandasynyń bas bapkeri qyzmetin atqarǵan reseılik maman Vıktor Kýmykov ornyn bosatty.
Atalmysh komanda qazir 10 oıynnan keıin nebári bes upaı jınap, týrnır kestesinde 11-orynda keledi.
