Fýtbol: «Atyraý» klýby - 2009 jylǵy Qazaqstan kýbogynyń jeńimpazy
A. Qarashanyń 16-sy. QazAqparat /Ernur Aqanbaı/ - Atyraýdyń «Atyraý» klýby fýtboldan 2009 jylǵy Qazaqstan kýbogyn jeńip aldy. Keshe elordadaǵy «Astana-Arena» stadıonynda ótken fınaldyq matchta «Atyraý» Qaraǵandynyń «Shahter» komandasynan 1:0 esebimen basym tústi,
dep habarlaıdy QazAqparat.
Jeńis golyn matchtyń 34-shi mınótinde Zýbko soqty. Osylaısha premer-lıga komandalary arasynda bıylǵy maýsymda 6-shy oryndy qanaǵat tutqan, tájirıbeli maman Vahıd Masýdov jattyqtyratyn «Atyraý» el kýbogy úshin bolǵan jarysta myqty qarsylastarynyń barlyǵyn shań qaptyryp, top jardy. Kýbokty «Atyraý» fýtbolshylaryna ÝEFA prezıdenti Mıshel Platınıdiń ózi tapsyrdy.
Aıta keteıik, atyraýlyqtar jartylaı fınalda Taldyqorǵannyń «Jetisý» komandasyn jeńgen bolatyn.
