Fýtbol: Astananyń «Lokomotıv» komandasy 2010 jylǵy Qazaqstan kýbogynyń ıegeri
ASTANA. 15 qarasha. QazAqparat - Astananyń «Lokomotıv» komandasy fýtboldan 2010 jylǵy Qazaqstan kýbygynyń ıegeri atandy.
Keshe «Astana Arena» stadıonynda ótken fınaldyq matchta «Lokomotıv» Qaraǵandynyń «Shahter» komandasyn 1:0 esebimen utty. Elordalyqtarǵa jeńis syılaǵan, matchtyń 35-mınýtynda soǵylǵan goldyń avtory - Mıhaıl Rojkov. Osylaısha «Lokomotıv» buǵan deıin elordanyń namysyn qorǵaǵan izasharlary - «Jeńis» jáne «Astana» klýbtarynyń chempıondyq ataqtaryn jáne jeńip alǵan kýboktaryn esepke almaǵanda, birinshi ret Qazaqstan kýbogynyń ıegeri atanyp otyr. Al «Shahter» bolsa, qatarynan ekinshi jyl fınalda utylyp qaldy.
Aıta keteıik, jartylaı fınalda «Lokomotıv» qos kezdesýdiń nátıjesi boıynsha Taldyqorǵannyń «Jetisý» komandasyn, al «Shahter» Shymkenttiń «Ordabasy» klýbyn jeńgen bolatyn.
