Fýtbol: «Astananyń» halyqaralyq týrnırdegi qarsylastary anyqtaldy
NUR-SULTAN. QazAqparat - Elordalyq «Astana» komandasynyń 2020 jyldyń aqpan aıynda fýtboldan Portýgalııada ótetin halyqaralyq «Atlantic Cup» joldastyq týrnırindegi qarsylastary anyqtaldy, dep habarlaıdy QazAqparat tilshisi.
«Astana» A tobynda synǵa túsedi. Qarsylastary - Danııanyń «Brondbıý» jáne «Kopengagen», «Shvetsııanyń» «Norrchepıng» komandalary. Al V tobynda Danııanyń «Orhýs», Shvetsııanyń «Hakken» jáne Chehııanyń «Slavııa» klýbtary sheberlik baıqasady.
«Atlantic Cup» joldastyq týrnıri 31 qańtar jáne 8 aqpan aralyǵynda ótkiziledi.
Halyqaralyq týrnır 2011 jyldan beri ótkizilip keledi. Búgingi kúnge deıin toǵyz komanda jeńimpaz atanyp úlgerdi. Olardyń qatarynda Danııanyń «Mıdtıýllann», «Kopengagen», «Orhýs», Reseıdiń «Zenıt», «Dınamo» (Máskeý), Avstrııanyń «Rapıd Vıen», «Red Býll Zaltsbýrg», Shvetsııanyń «Elfsborg», Horvatııanyń «Rıeka» komandalary altynnan alqa taqty.
